Татарстан мөфтие Украинадагы вазгыять уңаеннан мөрәҗәгать белән чыкты

Татарстан мөфтие Камил хәзрәт Сәмигуллин Украинадагы вазгыять уңаеннан мөрәҗәгать белән чыкты.

БӘЙЛЕ
2014 Фев 28
"Украинадагы вакыйгалар битараф булмаганнар күңелендә хәвефле һәм шомлы хисләр уята. Күз алдыбызда миллионлаган кешеләрнең язмышы социаль тотрыксызлык һәм көч куллану корбанына әйләнә. Украина халкы өстенә гражданнар сугышы һәм бетмәс кан кою куркынычы килде. Моңа һич кенә дә юл куярга ярамый. Без барыбыз да кеше гомере һәм дәрәҗәсе сагында торырга тиеш. Бу - безнең һәркайсыбызның изге бурычы.

Украинлылар өчен гадәти булмаган көннәрдә дин кардәшләремне исламның гуманистик кыйммәтләренә таянырга һәм барлык Украина җәмгыяте өчен кешелеклелек үрнәге булырга чакырам. Кеше гомерен өзү – бик зур гөнаһ. Сөекле Пәйгамбәребез (с.г.в.) бер җанны кою бөтен кешелекне үтерүгә тиң, дигән. Кеше гомере бик кадерле һәм һичнәрсә белән алыштыргысыз.

Җәмгыятьне нинди генә сәяси каршылыклар таркатмасын, без һәрвакыт кеше гомере сагында торырга һәм каршылыкларны тыныч юл белән чишәргә тиеш. Югыйсә Украина халкы омтылган барлык казанышлар кайгы һәм югалтулар белән үз дәрәҗәсен югалтачак. Демократияне халык төркеме тираниясе, толлар һәм ятимнәрнең күз яше, ватандашларыңның каны өстендә төзеп булмый.

Аллаһы Тәгалә Украина халкына үз җирләрендә тынычлык сакларга һәм илне бәрәкәтле итәргә һәм аның үсешен булдырырга зирәклек бирсен иде”,
- диелә ТР мөселманнары Диния нәзарәте сайтында бастырылган мөрәҗәгатьтә.
Чыганак: "Татар-информ"

Комментарийны калдырыгыз
avatar

Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09

40 тартма
Дин
Мәкаләләр


Вакыйга











Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе