Лаеш районы Яңа Сокуры бистәсе мәхәлләсе яңа мәчет төзелешендә катнашырга чакыра

Лаеш районы мөхтәсибәте Яңа Сокуры бистәсе мәхәлләсе дин кардәшләребезне, барлык татарстанлыларны изге эштә – яңа мәчет төзелешендә катнашырга чакыра, дип хәбәр итә ТР Диния нәзарәте матбугат хезмәте.

БӘЙЛЕ
2022 Июн 29

Монда «Мәдинә» исемле яңа гыйбадәтханә салу буенча әзерлек эшләре башланды. Мәхәллә оешты, мәчет проекты әзерләнде, гыйбадәтханәне салу өчен җир алынды, подрядчик билгеләнде, диелә хәбәрдә.

Хәзерге вакытта мәчет салыначак урынны әзерләү, җирне тигезләү, коммуналь инфраструктура сузу эшләре алып барыла. Эскиз проект буенча, яңа мәчет 200 кешегә исәпләнгән, ул ике каттан тора, бинаны Хай-тек стилендә төзү күздә тотыла. Мәчетнең адресы – Борһан Шаһиди урамы, 1нче йорт.

Беренче катта – санузел, имам бүлмәсе, намаз уку бүлмәсе, икенче катта – никах бүлмәсе, хатын-кызлар өчен намаз уку урыны булачак. Мәчет янәшәсендә – ир-атлар һәм хатын-кызлар өчен тәһарәтханә, 38 машинага исәпләнгән парковка, уңайлы утыргычлар куелган сквер, күпләгән куаклар, чәчәкләр утырту, актив ял зонасы ясау, велосипед юлы, кибетләр, кафелар, спорт инвентарьларын прокатка алу урыны булдыру ниятләнә.

Мәхәллә халкы барлык битараф булмаган кардәшләребезне мәчет төзелешендә катнашырга чакыра: акчалата ярдәм итүдән тыш, төзелеш материаллары белән дә булышырга була, диелә хәбәрдә.

Чыганак: https://tatar-inform.tatar


Комментарийны калдырыгыз

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе