Илдар хәзрәт Баязитов: "Әлмирә апа кебек шәхесләрне истә тотарга, алар турында яшьләргә сөйләп торырга кирәк"

Журналистика ветеранын Самосырово мөселман зиратында соңгы юлга озаттылар.

БӘЙЛЕ
2021 Июл 27

Журналистика ветеранын Самосырово мөселман зиратында соңгы юлга озаттылар. Журналистика ветераны Әлмирә Әдиятуллинаның кызы Миләүшә әнисеннән башка тормышны күз алдына китерә алмавын әйтте. Бу хакта ул бүген Самосырово мөселман зиратында Әлмирә Әдиятуллинаны соңгы юлга озаткан вакытта сөйләде.

Иң элек Әлмирә апа турында искә алу сүзләре әйтелгәннән соң, татар җәмәгатьчелеге җеназа намазын укыды. «Әни минем өчен этәргеч, юл күрсәтүче маяк булды. Барысына да ярдәм итте. Килгән барлык кешегә рәхмәт әйтәм», — диде Әлмирә апаның кызы Миләүшә.

Татарстан мөфтиенең беренче урынбасары Илфар хәзрәт Хәсәнов Әлмирә Әдиятуллинаның язмышын бик катлаулы булганын әйтте. «Тормышында нинди генә авырлыклар булмасын, беркайчан да бирешмәде, зарланмыйча оптимист шәхес булып калды», — диде ул. «Ни хәлләрең бар соң, Әлмирә апа дигәндә дә: "Аллага шөкер, көрәшәбез", — дип әйтә иде.

Урын өстендә ятканда да, Казанда "Сөембикә" исемендәге мәчетне торгызырга хыялланды», — диде Илфар хәзрәт. Аның сүзләренчә, Әлмирә апа Аллаһның рәхмәтендә.

«Татарстан өммәтенә генә түгел, Россия өммәтенә дә бик файдалы, олуг, хәерле һәм кирәкле эшләр башкарды. Динебезнең алга баруына төп сәбәпчеләренең берсе иде», — дип сөйләде ул. «Ярдәм» мәчете имам-хатыйбы Илдар хәзрәт Баязитов Әлмирә апаны легендар хатын-кыз дип атады. «Анда ир-атларга җитеп бетмәгән көч бар иде. Әлмирә апа кебек шәхесләрне истә тотарга, алар турында яшьләргә сөйләп торырга кирәк», — диде ул. Әлмирә Әдиятуллинаны соңгы юлга озатырга аның бертуган энеләре, сеңелләре, бергә эшләгән хезмәттәшләре, дуслары килде.

$IMAGE9$

$IMAGE10$


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2021 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе