Илдар хәзрәт Баязитов: Левченко бистәсендәге «Сөләйман» мәчете быел ачылачак

«Яңа бина элеккеге мәчеттән ике тапкырга зуррак булачак», — диде ул

БӘЙЛЕ
2022 Мар 17

Татарстан мөфтиенең социаль мәсьәләләр буенча киңәшчесе, «Ярдәм» гомуммилли ислам хәйрия фонды советы рәисе Илдар хәзрәт Баязитов «Сөләйман» мәчетенең бу елның ахырында ачылачагын әйтте.

«Сөләйман» мәчетен төзү тулы куәткә бара. Яңа бина элеккеге мәчеттән ике тапкырга зуррак. Гыйбадәт кылу залыннан тыш, мәдрәсә дә булачак. Төзелеш рекордлы темплар белән алып барыла: узган елның җәендә иске мәчет бинасын сүткәннәр иде, хәзер инде түбә эшләре тәмамлана. Мәчетне бу елның азагында ачарга ниятлибез», — диде ул «Ярдәм» мәчетендә матбугат очрашуында.

Илдар хәзрәт әйтүенчә, мәчет 1999 елның декабрендә ачылган. «Ул вакытта төзелеш нормалары төгәл үтәлмәгән иде, аны булдыра алган кадәр төзеп җиткерделәр. Без 12 ел дәвамында шушы мәчеттә тернәкләндерү курсларын үткәрдек. Соңгы елларда мәчеткә керү сәламәтлеккә куркыныч иде — фундаменты беткән, күгәрекләр бар иде. Шул мәчет урынына матур, якты яңа мәчет булдырасыбыз килде», — диде ул.

Илдар хәзрәт Баязитов «Сөләйман» мәчетендә 2002 елдан имам вазифасын башкарган. «Документларны ике ел рәсмиләштердек, һәм, ниһаять, узган ел мәчетнең бинасын төзекләндерә башладык, „Сөләйман“ комплексының төзелеше башланды. Төзелеш бер көнгә дә туктап тормый. Икенче пансионат та шунда эшли башлаячак», — дип аңлатты ул.

Чыганак: https://tatar-inform.tatar


Комментарийны калдырыгыз

Май 19
Май 19
Май 14
Май 14
Май 13
Май 12
Май 12
Май 09
Май 09
Май 09
Дек 20
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2022 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе