Бүген Казанның Кабан арты мәчете имам-хатыйбы,"Ислам кабул итүгә 1000 ел" мәдрәсәсе беренче ректоры Исхак хәзрәт Лотфуллин вафат булуга 9 ел

Россия Исламы тарихында ул үзе турында якты хатирәләр калдырды.Исхак хәзрәт Лотфуллин турында хатирәләр 2014 елда тулы бер китап булып басылып чыкты. "Исхак хәзрәт Лотфулла" дип аталган китапның мөхәррире, матбугат ветераны Вәсилә апа Рәхимова Татарстанның баш казые Җәлил хәзрәт Фазлыев һәм Ханты-Манси округының төбәк мөселманнары Диния нәзарәте мөфти Таһир Саматов хатирәләрен укучыларыбызга тәкъдим итә.

БӘЙЛЕ
2016 Ноя 01. Фото:Алиф ТВ
Җәлил хәзрәт Фазлыев:

Исхак хәзрәт белән килешеп, аңлашып яшәдек. Дин-ислам юлында искиткеч кеше, чын фидакарь иде. Хаҗда бергә булдык, бер бүлмәдә яшәдек. Карап торышка кырыс, шактый кискен кеше булып күренсә дә, аралаша башлагач, хаҗда мин аның балалар кебек чиста күңелле, самими зат булуын искәрттем. Кеше өчен тырышты. Шунлыктан, кыен хәлләргә дә кала иде. Хәзрәтнең батыр, фидакарь җанлы булуыннан оста гына файдаланучылар да булды. Кызып китә торган гадәте булса да, тиз суына иде.

Таһир хәзрәт Саматов:

Исхак хәзрәттән мәчет-мәдрәсә эшчәнлеген алып бару, хуҗалык итү тәҗрибәсен алдык. Ничек йөрергә, ничек йокламаска, тегендә-монда мөрәҗәгать итәргә, шәкертләрне ничек аш-су, урын-җир белән тәэмин итәргә, уку әсбаплары кайдан табарга – барысын да остаздан өйрәндек. Имам булып килгән кеше боларны да белергә тиеш. Дин сабагын мәхәллә тормышын алып бару тәртипләре белән бергә үреп аңлаты безгә Исхак хәзрәт, милли рухлы тормыш мәктәбенә өйрәтте.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе