Аэропортларда һәм вокзалларда яңадан намаз бүлмәләре ачыла

"Дин тотучы гражданнарның сорауларын исәпкә алып, шул ук вакытта дәүләтнең дөньявилык принципларын тәэмин итеп, гыйбадәт йортларыннан читтә дини чараларны уздыру өчен биналарның һәм дини әдәбият тарату өчен махсус стационар бүлмәләрнең урынын билгеләү буенча Инструкциянең яңа редакциясе әзерләнде”, - диелә хәбәрдә.

БӘЙЛЕ
2017 Апр 06. Фото:ansar.ru

Казахстан Республикасының Диннәр һәм гражданнар җәмгыяте эшләре буенча министрлыгы тарафыннан намаз бүлмәләре ачуга карата таләпләр яңадан каралган.

“Дин тотучы гражданнарның сорауларын исәпкә алып, шул ук вакытта дәүләтнең дөньявилык принципларын тәэмин итеп, гыйбадәт йортларыннан читтә дини чараларны уздыру өчен биналарның һәм дини әдәбият тарату өчен махсус стационар бүлмәләрнең урынын билгеләү буенча Инструкциянең яңа редакциясе әзерләнде”, - диелә хәбәрдә.

Инструкциянең принципиаль яңалыгы шунда: элек мондый биналар дәүләт оешмалары һәм учреждениеләреннән 300 метрдан да якынрак урнашырга тиеш булмаган. Хәзер бу тыю бетерелгән.

Ведомствода билгеләп үткәнчә, мондый таләп заманча торак пунктлары үзенчәлекләренә туры килми. “Инструкциянең яңа редакциясе дини чараларны уздыру өчен бүлмәләрне тимерьюл һәм автовокзалларда, аэропортларда һәм портларда, ягъни кешеләр озак вакыт торырга мәҗбүр булган урыннарда ачуны тыймый. 300 метрдан якын булмаска тиеш дигән чикләү уку йортлары өчен генә калдырылган. Анда да әле бу чикләү дини белем алу оешмаларына кагылмый”, - дип аңлаталар министрлыкта.

Шул ук вакытта намаз бүлмәләрен ачкан вакытта билгеле бер таләпләр үтәлергә тиешлеге искәртелә.

Шулай итеп, дини чараларны уздыру өчен бүлмәләр тәһарәт алу өчен аерым урын (санузел) белән тәэмин ителергә, гомумән алганда, Казахстан Республикасы законнарында каралган санитария-эпидемиология таләпләренә туры килергә тиеш. Әлеге таләпләр гыйбадәт кылганда тиешле шартлар тудыру максатыннан кертелә.

“Гамәлдәге законнар буенча объектның хуҗасы бүлмәдә санитария, янгын һәм башка төрле куркынычсызлык өчен җавап бирә”, - дип хәбәр ителә инструкция проектында.

Әлеге норматив акт килештерү процедурасын узарга тиеш. Аннан соң намаз бүлмәләре яңа шартларда эшли алачак, дип хәбәр итә Ансар.ру.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе