Анда Татарстан Дәүләт Советы депутаты, Татар конгрессының Казан оешмасы рәисе Фәрит Мифтахов, эшмәкәрләр Булат Сибгатуллин, Рафаэль Юнысов, Данил Җиһаншин, Рафаэль Нигъмәтҗанов, Әтрәс авылы мәктәбе укытучысы Мөнир Вәлиев, мәдрәсә ректоры Ильяс Җиһаншин катнашты.
Премия Тәтеш районында узачак "Әтрәс укулары"нда тапшырылачак. Танылган татар драматургы Туфан Миңнуллин фикере буенча үткәрелә торган чара быел икенче тапкыр, әмма идея авторы катнашыннан башка уздырыла, дип хәбәр итә "Татар-информ".
Фәрит Мифтахов белдергәнчә, Туфан Миңнуллинның татар халкы тормышында роле зур булды. "Ул Дәүләт Советында татар халкы, милли проблемалар буенча фикерләрен әйтеп килде. Хәзер аның эшен дәвам итәргә кирәк",- диде Мифтахов.
"Түгәрәк өстәл"дә 2013 елның 1 июнендә узачак Әтрәс укуларын үткәрү тәртибе буенча фикер алыштылар.
Чыганак: "Татар заманы"