Коръәнне яттан белүчеләрне "Казан” Халыкара аэропортында Татарстан мөфтие урынбасары Рөстәм хәзрәт Хәйруллин каршылады. Ул кунакларны Татарстан мөфтие Камил хәзрәт Сәмигуллин исеменнән сәламләде һәм Рамазан аен Россиядә уздырырга карар кылганнары өчен олуг рәхмәтләрен ирештерде.
Аэропортта вакытта ук Коръәнхафизларны нинди мәчетләргә җибәрү мәсьәләсе хәл ителде. Аларның 32се Татарстанда кала, 6сы Мари Иленә, Чувашиягә һәм Ульян өлкәсенә китә. Алар Рамазан ае дәвамында район мәчетләре каршында хезмәт куячак, тәравих намазларын үткәрәчәк һәм мөселманнарны дөрес итеп Коръән укырга өйрәтәчәк.
Шунысын да билгеләп узу мәслихәт: төрек кардәшләрнең Татарстанга килүе республикабыз Диния нәзарәте җитәкчелегенең Төркиядәге Дин эшләре һәм вакыф министрына мөрәҗәгать иткәч мөмкин булды.