Татарстан Мөслимәләре берлеге җитәкчесе: “Без бу тупланмалар белән күп илләрнең подиумнарын яуларга тиеш”

Казанда мөселман киемнәре буенча иң яхшы Россия модельерын билгеләделәр.

БӘЙЛЕ
2012 Апр 09
Казанда мөселман киемнәре буенча иң яхшы Россия модельерын билгеләделәр.

Казанда "Islamic clothes” Бөтенроссия мөселман һәм милли киемнәр дизайнерлары конкурсы узды.
"Татар-информ” мәгълүмат агентлыгына Татарстан Мөслимәләре берлеге җитәкчесе Наилә ханым Җиһаншина белдергәнчә, конкурста катнашу өчен Мәскәү, Петербург, Самара һәм Татарстанның башка шәһәрләреннән 40ка якын гариза бирелгән. Финалга бары тик 10 тупланма гына узган, аларның күбесе Татарстан модельерларыныкы.
"Без бу коллекцияләр белән күп илләрнең подиумнарын яуларга тиеш. Әлбәттә, безне чакыра башладылар һәм без Татарстан костюмы бөтен дөньяга танылсын өчен тырышачакбыз. Хәзер хезмәттәшлек итү буенча килешүләр төзибез. Май аенда Франциягә барабыз. Безнең бурыч – талантлы иң яхшы дизайнерларны анда укырга җибәрү. Иң яхшы коллекцияләрне булдыру өчен камилләшү зарур, өйрәнергә кирәк – бу аларга халыкара конкурсларда җиңәргә ярдәм итәчәк”, - дип ассызыклады ул.
Дефиле нәтиҗәләре буенча конкурсантлар түбәндәге номинацияләрдә бүләкләнде: "Заманча киемдә милли бизәкләр” – Энҗе Галәветдинова ("Җәүһәр коллекциясе”), "Иң яхшы кичке коллекция” – Ләйсән Гарипова ("Бәхет чәчәге”), "Патшабикә киеме” – Гөлия Гыймадиева, "Оригиналь карар” - Мария Кубасова ("Идел зәркане”), "Иң яхшы татар костюмы” – Әнисә Рәхмәтуллина "Моңлы Казан”, "Иң яхшы стилистик карар” – Факия Сабирҗанова, "Иң яхшы туй күлмәге” – Илзирә Сәйранова ( "Аккошлар”), "Иң яхшы яшьләр коллекциясе” – Алия Хәлиуллина.
Мәскәү модельеры Резедә Сөләйманова Гран-прига ия булды, ә "Профессиональ” – Ләйсән Хаҗиева.
Барлык номаинация җиңүчеләре дә кыйммәтле бүләкләр, дипломнар, проект партнерлары бүләкләренә лаек булды. Ә ике төп җиңүчегә Ирина Феличкинаның киемнәр стиле буенча Югары һөнәри мәктәбендә укуга сертификат тапшырылды.
Искәртеп узабыз, бәйгене ТР Мәдәният министрлыгы, ТР Мөслимәләр берлеге, Ислам мәдәнияты үзәге ТР Президентының Дини берләшмәләр белән бәйләнешләр буенча идарә, Казан муниципаль берәмлеге, Россия Мөфтиләре советы, Бөтендөнья ислам яшьләре ассамблеясе, ТР Дизайнерлар берлеге теләктәшлегендә оештыра дип хәбәр итте "Татар-информ".

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе