"Интерфакс” агентлыгына аңлатуларынча, алар Мәскәүдә дә, шулай ук Петербургтагы ЗАГСта да аерылышырга мөмкиннәр. Тик Мәскәү ЗАГСына Владимир белән Людмила Путиннардан әлегә бернинди дә гариза кабул ителмәгән.
Президентның матбугат сәркатибе Дмитрий Песковның әйтүенчә, аерылышу акты төзелмәгән әле һәм бу мөһим дә түгел. Инде карар кабул ителгән һәм бу хакта бөтен илгә хәбәр ителгән. Шунысы кызык: бу хәбәр махсус әзерләнмәгән. Хатын-кыз журналист Президентның гаилә хәле турында сорау биргәч, ягъни аларның бергә яшәмәүләре турында сүзләр йөрүен әйтеп узгач, Владимир Путин ул сүзләрнең чын булуын раслап бәян кылды. Кайбер сәясәтчеләр Президентның хәләл җефете белән аерылышуы аның рейтингына тәэсир итмәс, дип саный. Июль ае ахырында Путиннарның бергәләп яши башлавына 30 ел тулган булыр иде.
Путиннарның аерылышулары хакында күптән төрле сүзләр йөри иде. Эсмеральдо балетына кадәр Путиннарны узган елның май аенда – Президентның инаугурациясе вакытында бергә күргәннәр иде. Бу сүзләр пасха вакытында, хөкүмәт башлыгы Дмитрий Медведевтан аермалы буларак, Президентның хатыныннан башка йөрүе нәтиҗәсендә тагын да көчәйгән иде.