Мансур хәзрәт Җәләлетдин дә футбол уйнады

Казан мәчетләре арасында үткәрелгән мини футбол турниры — мөселман яшьләрен берләштерә һәм бүгенгә башкалада мәчетләрнең нинди дәрәҗәдә нык булуын күрсәтә. Турнирда «Зәкәт» фонды рәисе, «Кабан арты» мәчете имам-хатыйбы Сәетҗәгъфар хәзрәт Лотфуллин, Казан шәһәре мөхтәсибе Мансур хәзрәт Җәләлетдинов һәм башка хәзрәтләр катнашты.

Турнирда барлыгы 9 команда катнашты. Кабан арты, Әниләр, Мәрҗани, Ризван, Әл-Ихлас һәм башка мәчетләр катнашты. Чара Үзәк стадионның футбол-атлетик манежында үтте. Махсус медальләр һәм «Көчле иманлы» исемле Кубок. Турнирны оештыручы «Зәкәт» фонды рәисе, Кабан арты мәчете имам-хатыйбы Сәетҗәгъфар хәзрәт Лотфуллин сүзләренчә, яшьләр бер-берсе белән футбол уйнап, дуслыкларын көчәйтә. «Яшь буынны җәлеп итәрлек чаралар — безне җыя, берләштерә. Физик яктан көчле булу — ул әле иң элек Сөннәт тә», — ди Сәетҗәгъфәр хәзрәт.

Җыенны «Зәкәт» фонды белән «Кабан арты» мәчете оештырды.

Беренче урынны «Әниләр» мәчете яулады, икенче — «Кабан арты», өченчедә — «Мәрҗани» мәчете. Җиңүчеләр медальләр, дипломнар һәм «Зәкәт» фондының кыйммәтле бүләкләре белән бүләкләнде. Иң зур приз — «Көчле Иманлы» Кубогы, ул исә «Әниләр» мәчетенең мөнбәрен бизәп торачак.

Тимер Сәгыйтов