Әлмәндәр бабайны соңгы юлга озаттылар

СССРның халык артисты Шәүкәт Хәсән улы Биктимеровны соңгы юлга озаттылар.

БӘЙЛЕ
2012 Май 29
Камал театрында СССРның халык артисты, Тукай һәм Станиславский премиясе лауреаты Шәүкәт Хәсән улы Биктимеровны соңгы юлга озаттылар. Бөек артист белән хушлашырга Татарстан президенты Рөстәм Миңнеханов килде.

Татар халкы аны Әлмәндәр, Палач, Ислам, Бәхтияр, Ишан, Ленин һәм башка бик күп образлары аша хәтерли. 2008 елда 80 яшьлек юбилеен уздыргач, Шәүкәт Биктимеров бик каты авырды, халык арасына чыгып йөрмәде. 28 май көнне татарлар арасыннан СССРның соңгы халык артисты Шәүкәт Биктимеров вафат булды. 29 майда Камал театрында артистны соңгы юлга озаттылар.

2012 елда татар сәнгате бер-бер артлы бөек шәхесләрен югалтып тора: февраль аенда артистка Фирдәвес Әхтәмова, Камал театры директоры Шамил Закиров, май башында драматург Туфан Миңнуллин, инде менә май ахырында Шәүкәт Биктимеров үлеп китте. Бу турыда Дәүләт Советы рәисе урынбасары Римма Ратникова да искә алды. Чыннан да, татар сәнгате якты йолдызларын югалта бара.

Биктимеров белән хушлашырга президент Рөстәм Миңнеханов, Дәүләт Киңәшчесе Минтимер Шәймиев, Дәүләт Советы рәисе Фәрит Мөхәммәтшин, Саба районы Рәис Миңнеханов килде. Матәм чарасында мөфти Илдус Фәиз, Татарстан Фәннәр Академиясе җитәкчесе Әхмәт Мәзгәров, Качалов театры җитәкчесе Александр Славутский катнашты. Халык яраткан артисты белән хушлашырга зал тутырып җыелды.

Рөстәм Миңнеханов Шәүкәт Биктимеровны милләтебез беркайчан да онытмас, бу турында нефтьчеләр дә сүз күтәрде, диде.

Александр Долгов

Комментарийны калдырыгыз
avatar

Июл 29
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе