Татарстанда инкыйлабка кадәр чыккан мөселман китаплары һәм кулъязмалар музее ачылды

Әлеге китапларның күбесе 1905 елга кадәр бастырылган. Ә иң иске экспонат булып Коръәндә искә алынган хатын-кызлар турындагы китап санала. Ул 1878 елда дөнья күргән. Бигрәк тә Әхмәтһади Максуди (гакыйдә буенча китап) һәм Галимҗан Баруди (музейда аның өч китабы бар) кебек мәшһүр татар дин галимнәренең хезмәтләре зур кызыксыну тудыра.

БӘЙЛЕ
2017 Мар 06. Фото:dumrt.ru

Питрәч районының Шәле авылында Җәмигъ мәчетендә инкыйлабка кадәр чыккан мөселман китаплары һәм кулъязмалар музее эшли башлады. Әлеге чарада ТР мөселманнары Диния нәзарәтенең дәгъват бүлеге җитәкчесе Нияз хәзрәт Сабиров, дин әһелләре, мәхәллә мөселманнары катнашты.

Музейда 60 экспонат куелган. Музейны оештыручылар сирәк очрый һәм зур кыйммәткә ия булган басмалар фондын мөмкин кадәр күбрәк кешегә җиткерү максатын куя. Биредә мәчеткә йөрүчеләр китаплар белән хозурланып кына калмыйча, алар белән эшли дә ала.

Музейны төзү эше берничә ай дәвам иткән. Мәхәллә халкы бик зур көч куйган. Кайбер Коръәннәр, намаз укырга өйрәткән китаплар кемнеңдер гаиләсендә кадерләп сакланган. Аларны укыганда, төрле искәрмәләргә, адресларга һ.б.га тап буласың.

Әлеге китапларның күбесе 1905 елга кадәр бастырылган. Ә иң иске экспонат булып Коръәндә искә алынган хатын-кызлар турындагы китап санала. Ул 1878 елда дөнья күргән.

Бигрәк тә Әхмәтһади Максуди (гакыйдә буенча китап) һәм Галимҗан Баруди (музейда аның өч китабы бар) кебек мәшһүр татар дин галимнәренең хезмәтләре зур кызыксыну тудыра.

ТР мөселманнары Диния нәзарәте матбугат хезмәте белән берлектә Римма Гатина.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе