Әлеге закон проекты буенча яңа гына өйләнешүчеләргә бала тудырырга рөхсәт итә торган махсус лицензия бирәчәкләр. Лицензиянең яңасы инде, беренче бала туып, 5 ел узгач кына бирелә. Бу эш белән шөгыльләнүне сәламәтлек саклау министрлыгына тапшырмакчылар.
Шул ук вакытта яңа закон икедән артык бала табуны тыя. Законны бозган кешеләрне пособиеләрдән, субсидияләрдән мәхрүм итәчәкләр, штрафлар салачаклар.
Закон проекты Мөхәммәд пәйгамбәрнең гаилә корырга һәм бала табарга дигән сүзләрен истә тотучы консерваторларны аптырашта калдырган. Интернет кулланучылар исә бу закон проектына көлеп караган.
Шунысын да әйтергә кирәк: балалар тууны контрольдә тоту программасын Әл-Әзһәр университеты хуплаган. Ул шәригать буенча гаиләне планлаштыруны тыймый торган фәтва чыгарды. Бу хакта инфо-ислам сайты хәбәр итә.