Әлеге комитетның гореф-гадәтләрне тәртипкә салу буенча идарә башлыгы Азизулло Мирзодод сүзләренә караганда, бу чаралар, иң беренче чиратта, кәләшләрнең, кияүгә чыккач, ир йортына алып килә торган бирнә күләмен киметүгә юнәлтелгән.
Гореф-гадәтләр буенча, хәзерге вакытта килен ягы яшьләр яшәячәк бүлмәне тулысы белән җиһазларга тиеш. Моннан тыш, кәләш ягы зәркән эшләнмәләрне, кием-салымны, туй өчен кирәк-яракларны (аксессуарлар), шулай ук кияүгә һәм аның туганнарына бүләкләр сатып алырга тиеш.
Комитет шулай ук Таҗикстанда никах килешүләре кертергә тәкъдим итә. Анда никах таркалган очракта, ир һәм хатынның милек бүлү мәсьәләләрен карарга тәкъдим ителә, дип хәбәр итә ислам.ру.