Мәчетләр мөселманнарның үзәкләштерелгән дини оешмалары милкенә тапшырылган очракта, соңгылары юридик затлар сыйфатында милек хуҗалары һәм арендаторлар булачак.
Баринов сүзләренә караганда, гамәлдәге дини оешмалар күзәтчелегеннән башка төзелә торган гыйбадәт йортлары яшьләрне тыелган берләшмәләргә җәлеп итү урыннарына әйләнергә мөмкин. Җирле хакимият ирек куеп, гамәлдәге законнар бозылып, исламга бернинди катнашы булмаган корылмалар төзелү очраклары да бар. Шуннан яшьләр экстремистик оешмаларга китә дә инде”, - дип аңлатты ул.
Төбәкләрдә мәчетләрне һәм гыйбадәт йортларын дини оешмалар милке итеп кабат теркәү очраклары җитәрлек. “Милек, хәтта җир кишәрлекләре хуҗалары җирле Диния нәзарәтләре булганлыкка уңай мисаллар бар. Җирле Диния нәзарәтләре рөхсәтеннән башка бер төзелеш тә башлана алмый”, - дигән И.Баринов. Бу хакта РФ мөселманнары Диния нәзарәте матбугат хезмәте хәбәр итә.
P.S.: Татарстандагы бар мәчетләр дә ТР Юстиция министрлыгында теркәлү уза һәм ТР мөселманнары Диния нәзарәте, аның подразделениеләре милке булып санала.