Галиев мәчетендә ислам фәннәре буенча дәресләр бара

Казанның Галиев мәчетендә (Г.Тукай урамы, 40) ислам фәннәре буенча дәресләр циклы башлана. Укулар атна дәвамында, ястү намазыннан соң, тәҗвид, хәнәфи фикъһы, Коръән тәфсире һәм хәдис фәннәре буенча оештырыла. Аларны Татарстан мөфтие Камил хәзрәт Сәмигуллин, ТР мөселманнары Диния нәзарәте хезмәткәрләре һәм Россия ислам институты мөгаллимнәре алып барачак. Дәресләрдә теләге булган һәр кеше катнаша ала, диелә нәзарәтнең матбугат хезмәте хәбәрендә.

Дәресләрдән тыш, мәчеттә һәр сишәмбе вәгазь кичәсе үткәреләчәк, ә җомга көннәрендә мөселман яшьләренең фикер алышу клубы эшләячәк.

Эш тәртибе түбәндәгечә:
дүшәмбе – тәҗвид;
сишәмбе – вәгазь кичәсе;
чәршәмбе - хәнәфи фикъһы;
пәнҗешәмбе – Коръән тәфсире;
җомга – яшьләрнең фикер алышу клубы;
шимбә – хәдис.

Нәзарәт сайтыннан.