Дамир Мөхетдинов: “Иван Грозный истәлеген мәңгеләштерү – туктатылырга тиешле провокация”

Соңгы вакытта массакүләм мәгълүмат чараларында Мәскәүдә һәм Казанда Иван Грозныйга һәйкәл куярга тәкъдим ителү турында хәбәрләр чыкты. Ә Санкт-Петербург һәм Ленинград өлкәсе мөселманнары Диния нәзарәте рәисе Дамир Мөхетдинов Орел шәһәрендә Иван Грозныйга һәйкәл куелуның әхлаксызлыгы турында фикер йөртә. “Замандашларымның мәгънәсез һәм кешене күрә алмаслык дәрәҗәдә кансыз булган хәкимне идеаллаштыруы мине нык борчый”, - ди ул.

БӘЙЛЕ
2016 Окт 24. Фото: islamdumspb.ru

Һәйкәл куюга бәйле фикер алышуларның булуын искәртеп, ул әлеге мәсьәләлә карата уй-фикерләрен белдерә (текст кыскартып бирелә).

“Беренчесе әлеге сорауның сәяси-иҗтимагый ягына кагыла. Илебез мөселманнары, бигрәк тә минем өчен туган булган татар халкы өчен уйлап чыгарылган скульптур фантазияләр – бу рус халкының тарихи намуслылыгын һәм әхлакый сайлавын хөрмәт итмәү генә түгел. Рус халкы узган 500 ел эчендә патша тәхетендә кеше җаннарын кыючының истәлеген шәһәр монументы рәвешендә бер җирдә дә мәңгеләштерергә теләмәгән. Мин моның өчен Россиянең барлык патриотларына һәм халык хәтерен саклаучыларга баш иям! Куелырга мөмкин булган һәйкәлләр генә түгел, һәйкәл кую идеясе үзе дә Иван Грозныйның Казанга походы вакытында һәлак булган йөз меңләгән ата-бабаларыбызны һәм дин кардәшләребезне, аларның миллионлаган нәсел дәвамчыларын кимсетә дип әйтергә мәҗбүрмен.

Ялкауланмагыз, 1552 ел фаҗигасен тасвирлаган китапларны йөгереп кенә булса да актарып чыгыгыз. Рус авторлары юкка чыгаруның коточкычлыгын аңлаешлы рус телендә тасвирлый. Юкка чыгару белән бәйле сыкрау гасырлар буена тынып тормый. Теләсә кайсы милләт кешесе “Казан елъязмасы”н күз яшьләрсез һәм нәфрәт кичерми генә генә укый аламы икән?

Иске яраларны ачып, тоз салу – татарларга 1552 елда Казанны алуны искә төшерү, барлык русларга опричнина турында “үгет-нәсыйхәт бирү” провокация түгелме? Дошман телендә сөйләшү түгелме? Төрле милләтләр һәм төрле диннәр арасындагы тынычлыкны җимерү түгелме?

Мине кайбер ватандашларымның мондый инициативаларны хуплавы борчый. Бигрәк тә бу инициатива белән сәясәтчеләр – үзләре җитәкләгән төбәкләрдә тынычлык өчен җаваплы булган төбәк башлыкларының чыгуы күңелгә тия”, - ди Д.Мөхетдинов.

“Икенче фикерем мәсьәләнең әхлакый ягы белән бәйле. Теманың символик мөһимлегенә карамастан, Иван Грозный шәхесен әхлакый яктан чыгып карарга, аңларга кирәк. Барыннан бигрәк, Иван Грозный – дуамал кеше үтерүче. Аннан соң гына кансызлыкка һәвәс һәм тәвәккәл хәким.

... Миңа калса, нәкъ менә Иван Грозный мирасын әхлакый яктан карап фикерләү халык күңелендә аның образы “нык дәүләт кешесе” булып түгел (һичшиксез, ул үзенең бозык фикерләвендә шундый булган да инде), ә сәяси көрәшендә кешелеклелеген югалткан образ буларак ныгып калган. Барыннан да бигрәк, ул христиан әхлагына каршы килә.

Мин, миллионлаган ватандашларым кебек, ачу белән сукырайган, акылы томаланган бу образны һәйкәлгә лаек дип кабул итә алмыйм.

Дамир Мөхетдинов – сәяси фәннәр кандидаты, РФ мөселманнары Диния нәзарәте һәм Россия мөфтиләре Советының Россия Динара советындагы вәкиле. (Әлеге текст Санкт-Петербург һәм Ленинград өлкәсе мөселманнары Диния нәзарәте сайтында бирелгән).

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе