Бәхетле гаилә - җәннәтнең җирдәге чагылышы ул - Татарстан мөфтие

Бүген Татарстан мөфтие Камил хәзрәт Сәмигуллин резиденциясендә ТР Министрлар Кабинетының ЗАГС идарәсе башлыгы Альбина Шәвәлиеваны кабул итте. Очрашу барышында гаиләләрдә традицион кыйммәтләрне саклау,гаилә институтын ныгыту һәм бу өлкәдә хезмәттәшлек итүгә бәйле мәсьәләләр хакында сөйләште.

БӘЙЛЕ
2017 Янв 19. Фото:dumrt.ru

Альбина Рафаил кызы Диния нәзарәтенең Татарстан ЗАГС идарәсе белән тыгыз элемтәдә булуы өчен: "Диния нәзарәтенең ТР Министрлар Кабинетының ЗАГС идарәсе эшендә актив катнашуы өчен рәхмәт сезгә. Урынбасарыгыз Рөстәм хәзрәт Хәйруллин, идарәнең Иҗтимагый совет әгъзасы буларак, утырышларыбызда һәрвакыт катнаша һәм яшьләр арасында гаилә кыйммәтләрен дәгъватлау юнәлешендә тырышлык куя. Киләчәктә бу хезмәттәшлек күркәм нәтиҗәләргә китерсә иде", - дип, рәхмәт белдерде. Бүгенге көндә борчу тудырган мәсьәләләрдә тукталды. Ул соңгы елларда рәсми рәвештә теркәлгән гаиләләр саны кимүгә баруын әйтте.

Мөфти хәзрәтләре үз чиратында динебездә гаилә коруга һәм аның бәхетле булуына зур әһәмият бирелүен әйтте. "Бәхетле гаилә - җәннәтнең җирдәге чагылышы. Хәзрәтләребез яшь буында гаилә институтына карата дөрес фикер булдыру, гаиләләрне саклап калу юнәлешендә эшли һәм вәгазьләрендә бу фикерне җиткерергә тырыша. Әлеге юнәлештә дәүләт һәм дини оешмалар бергәләп эшләсә: никах укытмыйча гына яшәүгә чик куйса, яшьләргә традицион гаилә кыйммәтләрен сеңдерсә, аның нәтиҗәсе дә яхшы булыр", - диде Камил хәзрәт. Сөйләшү барышында сүз шулай ук никах теркәү, аны аерым бер тәртипкә китерү турында да барды.

Әйтелгән сүзләрне күәтләп, Татарстан Республикасы Диния нәзарәте һәм Татарстан ЗАГС идарәсе арасында хезмәттәшлек итү килешүе төзелде. Документны Татарстан мөфти Камил хәзрәт Сәмигуллин һәм ЗАГС идарәсе җитәкчесе Альбина Шәвәлиева имзалады. Килешүдә ике якның гаилә кыйммәтләрен пропагандалау, гаилә мөнәсәбәтләренә кагылышлы рухи-әхлакый гореф-гадәтләрне саклап калу юнәлешендәге эшчәнлеге чагылыш тапкан.


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе