Бөгелмәдә көньяк-көнчыгыш мәчетләре арасында мини-футбол буенча чемпионат узды

13 февральдә Бөгелмәнең “Энергетик” стадионында республиканың көньяк-көнчыгыш мәчетләре арасында мини-футбол буенча чемпионат булды. Ул “ИНТЕР” автоүзәге кубогына уздырылды. Ярышта Лениногорск, Чирмешән, Баулы, Уруссу һәм Бөгелмә мөхтәсибәтләре вәкилләре катнашты.

Беренчеләрдән булып катнашучыларга үзенең хәер-фатихасын көньяк-көнчыгыш төбәге казые Марат хәзрәт Мәрданшин җиткерде. Спортчыларны шулай ук Бөгелмә муниципаль районының яшьләр эшләре һәм туризм буенча бүлек җитәкчесе Илдар Рәфыйк улы һәм әлеге уеннарның төп иганәчесе Мәгъсум Загиров сәламләде.

Уен нәтиҗәләре:

1 нче урын – Бөгелмә мөхтәсибәте командасы;

2 нче урын – Лениногорск мөхтәсибәте командасы;

3 нче урын – Баулы мөхтәсибәте командасы.