Билгеле булганча, фаҗига 3 апрель көнне Санкт-Петербургта "Сенная площадь" платформасында “Технология институты” метро станциясендә була. Соңгы мәгълүматлар буенча, 14 кеше үлгән, 55 кеше зыян күргән.
Бу уңайдан Татарстан мөфтие Камил хәзрәт Сәмигуллин да кайгы уртаклашты. "Әлеге фаҗига Татарстан мөселманнарының күңелләрен әрнетте һәм тетрәндерде. Мәрхүмнәрнең гаиләләренә кайгылы сынауны, зур хәсрәтне күтәрергә сабырлык телим, Аллаһы Тәгаләдән тән җәрәхәтләре алганнарга тиз арада савыгуларын һәм алга таба илебезне мондый авыр кайгылардан саклавын сорыйм!" - диде ул.