Балалар әниләре белән бергә дәваланачак

2010 елда дәвамлы авырулы балаларны савыктыру программасы яңача оештырыла. Агымдагы ел дәвамында 4-17 яшьлек балалар «Әни һәм бала» юлламалары белән тәэмин ителәчәк. ТР Сәламәтлек

БӘЙЛЕ
2010 Июн 11

2010 елда дәвамлы авырулы балаларны савыктыру программасы яңача оештырыла. Агымдагы ел дәвамында 4-17 яшьлек балалар «Әни һәм бала» юлламалары белән тәэмин ителәчәк. ТР Сәламәтлек саклау министрлыгы аркылы оештырыла торган бу проект 500 баланы (әниләре белән 1000 кеше) шифаханәгә юллама белән тәэмин итүне күздә тота, дип хәбәр итә министрлыкның матбугат хезмәте. Бер юлламаның бәясе уртача 33600 сумга тигез.

Җәйге вакытта Сәламәтлек саклау министрлыгы балаларны савыктыру максатыннан сәламәтлек саклау системасы һәм федераль шифаханәләргә юллама белән тәэмин итәргә җыена. Ел саен мондый шифаханәләрдә 6 меңнән артык бала сәламәтлекләрен ныгыта. Юлламалар белән тәэмин итү балалар сырхауханәләре, яки турыдан-туры шифаханә аркылы оештырыла. Хәзерге вакытта балаларны җибәрү буенча чиратлар юк.

Федераль шифаханәләргә бару өчен балаларга федераль сәламәтлек саклау учреждениелары аша юллама алу кирәк. Татарстанның Сәламәтлек саклау министрлыгы да мондый юлламаланы бүлеп бирә (диспансер хисаптагы балалар).

Шунысы яхшы, балалар юлламалар белән тулаем бушлай тәэмин ителә. Бары тик балаларны шифаханәгә алып бару һәм алып кайту гына ата-аналар хисабына башкарыла. Ата-аналардан башка савыктыруга бару юлламаларының күпчелеге кыш-көз вакытында тәкъдим ителә.

Агымдагы елның 1 июненә Татарстан Республикасы Сәламәтлек саклау министрлыгы тарафыннан федераль шифаханәләргә бару өчен 138 заявка теркәлгән. Бу узган елгы күрсәткечләр белән чагыштырганда өч тапкырга күбрәк. Шунысы да бар, муниципаль берәмлекләрнең булган мөмкинлекләрдән тулысынча файдаланмаулары да билгеле, дип хәбәр итә «Интертат».


Комментарийны калдырыгыз
avatar

Июл 29
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе