Рәфыйк Мөхәммәтшин: “Татарстанда дини ситуация катлаулы”

Татарстандагы дини-сәяси ситуация ничек булып бетәр? Мөфти машинасын кем шартлатты? Имам Вәлиулла Якуповны үтерү кемгә кирәк булды?

БӘЙЛЕ
2012 Июл 26
Мөфти машинасын кем шартлатты? Имам Вәлиулла Якуповны үтерү кемгә кирәк булды? Татарстандагы дини-сәяси ситуация ничек булып бетәр?
Русия ислам университеты ректоры, сәясәт белгече Рәфыйк Мөхәммәтшин мөфтинең машинасын шартлату, Вәлиулла Якуповны үтергәннән соң, Татарстанда килеп туган дини-сәяси ситуация уңаеннан “Татар-ислам” сайтына интервью бирде.


- Рәфыйк әфәнде, Татарстандагы дини һәм сәяси ситуацияне ничек бәялисез?

- Ситуациягә әле ачыклык кермәде. Хәзер булган хәлләрнең сәбәпләре турында гына уйланырга вакыт бар. Терактлар идеология аркасында оештырылды дип саныйм.

- Сәбәп шул гынамы?

- Һәрхәлдә икътисади сәбәпләре юк. Чөнки Вәлиулла Якуповның зур бизнесы юк иде. Кыскасы, Якуповның радикал дини агымнарга мөнәсәбәте, кискен фикере фаҗигага сәбәп булды.

- Кайбер белгечләр Якуповның үлемен дини идеология белән бәйләргә теләми.

- Башкача була алмый. Чөнки традицион ислам вәкиле кулына корал күтәреп, кеше үтерә алмый. Килешмәгән фикерләр була, ләкин мондый очрак килеп чыга алмый. Бу – радикаллар эше.

- Бәлки, фаҗига артында сәясәт ятадыр?

- Әлегә тикшерү комитетында эшне карау бара. Бик күп кешеләрне тоткарлаганнар да. Ансыз да буомый инде. Алла халкыбызга сабырлык бирсен. 400ләп кеше тоткарланган икән. Бу тикшерү генә, эзәрлекләү түгел. Юкса, кайберәүләр моны мөселманнарны эзәрлекләү дип бәяли башлады. Сорау алулар да күп булачак. Татарстанда ситуация бик катлаулы. Хәлгә ачыклык кертелгәч, Татарстанда мөселман өммәтен алга таба алып баруның тактика һәм стратегиясе билгеләнәчәк. Әлбәттә, стратегия – ул традицион исламны үстерү. Ә тактика мәсьәләсе катлаулырак. Чөнки мөселманнар арасында бердәм фикер юк. Чит илдә укып кайтучылар бер тарафта, җирле имамнар икенче якта.
Шуны әйтергә кирәк: чит илдә укыган имамнар күпкә белемле, шуңа аларга яшьләр иярә. Татарстанда укыган имамнарны алар бабайчылар, ягъни традиционалистлар дип кенә атый. Шуңа алга таба белем бирүне бик күпкә көчәйтергә кирәк булачак.

Рәфыйк Мөхәммәтшин белән Тимер Сәгыйтов сөйләште

Комментарийны калдырыгыз
avatar

Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09

40 тартма
Дин
Мәкаләләр


Вакыйга











Әңгәмәләр
© 2009-2023 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе