Фотода — пансионат укучысы Хадиев Рәсул тәравих намазын алып бара.

Тәравихлар җылы, туганҗанлы атмосферада уза. Балалар да, яшүсмерләр дә, авыл картлары да дус яши.

Борбаш авылындагы уртак чаралар пансионат укучыларында имам эше һәм дини уку йортлары белән кызыксыну уята. Борбаш пансионатының асыл максаты – динчеләр әзерләргә ярдәм итү булып та тора.

Пансионат — «Ярдам-Помощь» гомумилли хәйрия фонды проекты. Ул күп балалы, юксыл гаиләләрдәге малайларны дини рухта тәрбияли. Пансионат шул биналар янында гына яшәүче, Татарстан җөмһүриятенең Баш казые Җәлил хәзрәт Фазлый ярдәме һәм күзәтүе астында эшли. 

Сез дә бу изге эштә ярдәм итә аласыз. Моның өчен түбәндәге адрес аша да матди ярдәм итеп була: https://yardemfond.ru/zakyat/