Гарасат мәйданында аяк сызламасын өчен тәравих намазы укырга кирәк

Гарасат мәйданында аяк сызламасын өчен тәравих намазын укырга кирәк

Читайте также
2012 Июл 31
Гарасат мәйданында аяклар сызламасын өчен нәрсә эшләргә кирәк? Менә шушы Рамазан аендагы тәравих намазлары аякларны гарасат мәйданында басып торуга әзерләү икән!

Коръәндә Аллаһ әйтә: бөтен барлыкны җыям да гарасат мәйданы ясыйм, ди. Шушы мәйданда бөтенебез дә тезелеп басачакбыз да, хөкемебезне 40 ел көтәчәкбез. Моннан берәү дә котылмый. Аллаһ кояшны түшәм биеклегенә төшереп куячак – баш миләре кайнап юкка чыгып, кире яңадан ясалып, янып 40 ел буе басып торачакбыз. Хәзер менә шушы мәйданда кояш якынайтылгач – хөкем башлангач – җәннәттән рәхмәт фәрештәләре зиннәтле касәдә җәннәт ризыклары алып чыгып, бер төркем халыкны сыйлар, ди. Бу сыйланган, ашаган, эчкән кешеләрнең кырык ел буена ашыйсылары, эчәсе килми икән. Болар кемнәр? Алар - Аллаһ ризалыгына өмет итеп, ураза тотучылар. Быел беренче елымны тотам, Аллаһ ризалыгын казану өчен бер генә атна булса да, тотып карыйм диючеләр.

Тагын бер төркем халык булачак, кояшның кызуыннан саклый торган махсус баш киеме алачаклар. Бөтен кешенең баш мие кояш кызуында кайнап чыкканда, бу кешеләрнең башында гаҗәеп бер баш киеме булачак. Болар — дөньяда тәһарәт алып яшәүчеләр. Тәһарәт алганда игътибар иткәнсездер, барыбыз да мәсих кылабыз. Шушы мәсих белән без үзебезгә гарасат мәйданында кияргә башлык тегәбез икән. Шуңа күрә мәсихны тәфсилләп алырга кирәк. Болар барысы да дини китапларда язылып килә, әмма бер нәрсә әйтелми кала, игътибар белән тыңлагыз да, башкаларга да сөйләрсез.

Менә без Чаллыдан Актанышка кайткан автобуска көчкә-көчкә генә эләгәбез дә, йөртүчесенә акча төртеп булса да, автобус эчендә калабыз, утырырга урын юк, баскыч төбендә басып кына торабыз. Азрак баргач, алан-ялан каранып, утырыр урын эзли башлыйбыз. Гәҗит җәеп булса да, баскыч төбенә утыру ягын карыйбыз. Ә гарасат мәйданында кырык ел басып кына торачакбыз. Анда тегендәрәк барып утырыйм әле диеш юк, басып кына торасың. Хәтта чыккан тирең дә таралмый, муеныңа кадәр быкырдап басып торасың шуның эчендә. Аяклар бик нык кына сызлый икән. Гарасат мәйданында аяклар сызламасын өчен нәрсә эшләргә кирәк? Менә шушы Рамазан аендагы тәравих намазлары аякларны гарасат мәйданында басып торуга әзерләү икән! Мин сезне барыгызны да кочып, яратып, туган итеп сорыйм, килегез, әзерлик үз аякларыбызны гарасатка, тәравих намазларын кылыйк!

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга «Ислам info» «Медиа торкеме» ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту «Ариф» студиясе