Әби-патша һәйкәле Иске Татар бистәсенә куелмаячак!

Казан хакимияте, булып узган шау-шулардан соң, Әби-патшага "Тергезү" дип аталган һәйкәлне Иске Татар бистәсенә куймаячак.

БӘЙЛЕ
2016 Июн 09

Казан хакимияте Әби-патшага "Тергезү" дип аталган һәйкәлне Иске Татар бистәсенә куймаячак. Бу хакта шәһәрнең баш архитекторы Татьяна Прокофьева белдерә. Аның сүзләренчә, һәйкәл Иске Татар бистәсенең каршы ягына куелырга, әгәр яңа урын тәкъдим ителсә, комиссия башка урынны да карарга мөмкин.

Әби-патшага һәйкәл кую татар җәмәгатьчелегендә зур шау-шу тудырды. Прокофьева кайнар бәхәскә аптырамаска чакыра. "Безнең үсешебезгә уңай йогынты ясаган тарихи шәхескә теләсә нинди һәйкәл әйбәт булачак", - ди ул.

Бөтендөнья татар яшләре форумы 5 майда "Әби-патша самодержавия һәм изү, хокуксызлык чоры – крепостное правоның чәчәк атуының чагылышы булып тора" дип белдереп, җәмәгатьчелек фикерен өйрәнеп, нәтиҗәләр ясаганга кадәр бәйгене туктатып торырга чакырып, хат язган иде.

Форум хатында "нинди генә очракка багышлап куелмасын, һәйкәл ул җәмгыятьнең, шәһәр халкының абсолют күпчелеге хуплавыннан соң гына куелырга тиеш. Моннан тыш, ул шәһәр мохитына яраклашкан булырга, тарихи контекстка һәм шәһәрнең гомуми рухына туры килергә тиеш. Екатеринага һәйкәл бу шартларга туры килми", диелде һәм бу мәсьәләдә белгечләр фикерен дә өйрәнү кирәклеге әйтелде.

Бәйге башлангач җәмәгатьчелектә генә түгел, ә галимнәр арасында да Татарстанда патшаларга һәйкәл кую белән мавыкмаска дип белдерүчеләр булды. Тарих институтының яңа тарих бүлеге башлыгы, тарих фәннәре докторы Илдус Заһидуллин Азатлыкка Әби-патшаның татар-мөселманнарны үз максатында куллану өчен генә аларга ташламалар ясарга мәҗбүр булуы турында сөйләгән иде.

Һәйкәлгә бәйге 2016 елның 14 апрелендә игълан ителде, йомгак 1 июльдә ясалачак, дип хәбәр итте "Азатлык.орг".


Комментарийны калдырыгыз
avatar

Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12
Май 09
Май 09

40 тартма
Дин
Мәкаләләр


Вакыйга











Әңгәмәләр
© 2009-2022 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе