2012 Ноя 21
6-9 декабрьдә Казанда бишенче Бөтендөнья татар конгрессы корылтае узачак. Шул уңайдан билгеле татар-мөселманнарның фикерләрен тәкъдим итәбез.
Саратов өлкәсенең милли-мәдәни мөхтәрияте башкарма директоры Зөфәр Хәкимов Татар конгрессы сайтына белдергәнчә, аңа татар конгрессы корылтаенда чыгыш ясарга мөмкинлек туса, мин өч мәсьәлә турында әйтеп китәр идем. Хәзер хөкүмәттә “Милли сәясәт стратегиясе” дигән документ йөри. Ул документта милли республикаларны бетерү өметләре бар. Милли республикалар бетерелсә, мәдәнияте, теле, мәгарифе онытылачак. Корылтайда шушы сәясәт стратегиясе турында фикер алышырга кирәк.
Мине борчыган тагын бер әйбер бар – ул да булса татар халкы тарихының дөрес язылмавы. Безгә халкыбызның чын тарихын яктыртырга кирәк.
Инде өченче иң авыр мәсьәләгә килсәк, ул төбәкләрдә татар мәктәпләре һәм дәресләре бетерелү. Безгә бернигә дә карамыйча, яшьләргә татар телен өйрәтергә, мәктәпләрне саклап калырга кирәк”, дип сөйләде Зөфәр Хәкимов.
Татар-ислам