Рөстәм Миңнеханов Милли олимпия комитетлары ассоциациясе президенты шәех Әхмәд Әл-Фәхәд Әл Сабах белән очрашты

Татарстан Республикасы Президенты вазыйфаларын вакытлыча башкаручы Рөстәм Миңнеханов бүген Милли олимпия комитетлары ассоциациясе президенты шәех Әхмәд Әл-Фәхәд Әл Сабах белән очрашты.

БӘЙЛЕ
2015 Июл 23

Татарстан Республикасы Президенты вазыйфаларын вакытлыча башкаручы Рөстәм Миңнеханов кичә Милли олимпия комитетлары ассоциациясе президенты шәех Әхмәд Әл-Фәхәд Әл Сабах белән очрашты. Очрашу Казан Кремлендә үтте, дип хәбәр итә ТР Президенты матбугат хезмәте.

Кунакны сәламләгән Рөстәм Миңнеханов белдергәнчә, очрашу Казандагы Спортның су төрләре буенча дөнья чемпионаты башланыр алдыннан уздырыла. Татарстан Республикасы Президенты вазыйфаларын вакытлыча башкаручы сүзләренчә, андый зур чаралар Татарстанның дөнья илләре алдында абруен күтәрә һәм инфраструктура үсешенә ярдәм итә. Ул шәехкә Татарстанда гамәлгә ашырыла торган борынгы Болгарны һәм Зөя утрау-шәһәрлеген торгызу проектлары турында хәбәр итте.

Моннан тыш, Рөстәм Миңнеханов шәех Әхмәд Әл-Фәхәд Әл Сабахка Татарстанга игътибары һәм яхшы мөнәсәбәте өчен рәхмәт белдерде. Бүген Россия мөселман илләре белән хезмәттәшлекне ныгыту өлкәсендә зур эш алып бара, диде Рөстәм Миңнеханов. Ул искәрткәнчә, РФ Президенты йөкләмәсе буенча ул “Россия – ислам дөньясы” стратегик күзаллау төркемен җитәкләде. Рөстәм Миңнеханов шәех визиты элемтәләрне ныгытуга ярдәм итүенә ышануын белдерде.

Әхмәд Әл-Фәхәд Әл Сабах, үз чиратында, Татарстан белән мөнәсәбәтләрне югары бәяләде. Ул белдергәнчә, спорт тормышның күп өлкәсендә зур роль уйный. Шәех ассызыклаганча, Казан – массакүләм спортны үстерү күзлегеннән эре шәһәр. “Сез ни өчен көрәшсәгез, эшне җиренә җиткерәсез. Сез яулаган казанышлар югары стандартлар куя һәм башкалар аларга туры килергә тырыша”, - диде ул. Шулай ук кунак Казандагы 2015 елгы Спортның су төрләре буенча дөнья чемпионатын уздыруга һәрьяклап ярдәм итәргә әзер булуын ассызыклады.

Очрашуда шулай ук Татарстан Премьер-министры урынбасары Васил Шәйхразиев, Татарстан Президенты ярдәмчесе Радик Гыйматдинов һәм Татарстан яшьләр эшләре һәм спорт министры Владимир Леонов катнашты дип хәбәр итте "Татар-информ". 


Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе