Президент Дубайда очрашулар үткәрде

Кичә Татарстан Президенты Рөстәм Миңнеханов Дубай AIM 2012 инвестиция форумы кысаларында, ике яклы очрашулар үткәрде. Анда Татарстанның чит ил партнерлары белән хезмәттәшлек итү мөмкинлекләре буенча фикерләштеләр.
Татарстан башлыгы Ислам үсеш банкы каршындагы Ислам шәхси сектор үсеше генераль директоры Халид Мохамед аль-Абади белән очрашуда яклар ТРда яңа лизинг компаниясе булдыруда корпорациянең катнашу перспективалары буенча фикерләште.
ТР Президенты Дубай Сәүдә-сәнәгать палатасы җитәкчесе белән очрашуда эмиратның электрон хөкүмәт системасын кертү буенча тәҗрибәсен өйрәнү өчен бирегә Татарстан белгечләрен җибәрергә тәкъдим итте.
Татарстан "Tecom Investments” компаниясенең республикада гамәлгә кую планлаштырылган "Smart City” комплекслы территория үсеше проектында катнашуы белән кызыксына. Бу хакта Рөстәм Миңнеханов икътисади зоналар һәм технопарклар белән идарә итү өлкәсендә дөньяви лидердларның берсе булган компания җитәкчелеге белән очрашуда белдерде. "Tecom Investments” компаниясе җирле хакимият белән партнерлыкта Мальтада һәм Һиндстанда "Smart City" проектларны гамәлгә куя, киләчәктә Татарстан да күз дә тотыла.
Татарстан Президенты "Kele Contracting” компаниясе җитәкчелеге белән очрашуында эре спорт корылмаларын төзү һәм алар белән идарә итү өлкәсендә хезмәттәшлек итү мөмкинлекләре турында сүз барды. Аерым алганда, бу компания Сиднейда Олимпия объектлары төзелеше белән шөгыльләнгән. Рөстәм Миңнехнов сүзләренә караганда, спортның су төрләре буенча дөнья чемпионаты һәм футбол буенча дөнья чемпионаты алдыннан Татарстан да "Kele Contracting” белән хезмәттәшлек итү белән кызыксына”, - дип хәбәр итә ТР Президенты матбугат хезмәте.
Чыганак: "Татар-информ"