Казанда Нәүрүз бәйрәмен 20 мартта билгеләп узачаклар

Әлеге бәйрәм язгы көн белән төн тигезләшкән вакытта үткәрелә.

БӘЙЛЕ
2016 Мар 18

Әлеге бәйрәм язгы көн белән төн тигезләшкән вакытта үткәрелә.

Бу бәйрәм быел 20 мартта Галиәсгар Камал исемендәге академия театры бинасы каршындагы мәйданда уздырыла. Нәүрүз яки
фарсы халкының Яңа елы Кавказда, Үзәк һәм Көнбатыш Азиядә һәм Идел буенда борынгы заманнардан бирле үткәрелеп килә. Нәүрүзне язгы көн белән төн тигезләшкән вакытта билгеләп узганнар. Дөньяның күп кенә илләрендә һәм аерым республикаларда әлеге бәйрәм уңаеннан озын ял көннәре ясыйлар. Хәзерге вакытта исә Нәүрүз Иранда һәм Әфганстанда дәүләт бәйрәме буларак бай рәвештә уздырыла. Ул Таҗикстан, Үзбәкстан, Кыргызстан, Казахстан, Төрекмәнстан, Әзербайҗан, Албания, Гыйрак, Курдстан, Һиндстан, Македония, Төркия, Шулай ук Россиянең көньяк республикаларында, Татарстанда, Бащкортстанда киң рәвештә билгеләп узыла.

Бу көнне Татарстан Халыклары Ассамблеясына кергән милли-мәдәни автономия вәкилләре кунаклар өчен концерт программасы әзерли, һәр халыкның милли стилендәге чатырлар корыла. Биредә Нәүрүзне бәйрәм итүче халыкларның традицион ризыкларын авыз итәргә дә мөмкин була.
Нәүрүз бәйрәме Татарстан Мәдәният министрлыгы, Казан мэриясе, Татарстан Халыклары дуслыгы йорты һәм Ассамблеясы тарафыннан оештырыла.

Көндезге 10 сәгатьтә Г. Камал театры мәйданы каршында чатырлар, милли мәхәллә йортлары басып торачак. Аларга әлеге халык дан алган милли-гамәли иҗат үрнәкләре куелачак, халыкны чатырлар янында оештырылган милли уеннар һәм биюләр белән таныштырачаклар, кешеләрне халык уеннарында катнашырга чакырачаклар.

11 сәгатьтә исә төп сәхнәдә концерт программасы башлана, дип хәбәр итә Татарстан Мәдәният министрлыгы матбугат хезмәте вәкиле.

Чыганак: “Татар-информ”


Комментарийны калдырыгыз
avatar

Июл 01
Июн 25
Июн 17
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе