Name: Дәүләт Советы Татар конгрессын яңача эшләргә чакыра
Item: Дәүләт Советы Татар конгрессын яңача эшләргә чакыра
Author: Азат

2012 Дек 18

Бу турыда Татарстан Дәүләт Советы рәисе Фәрит Мөхәммәтшин совет утырышында белдерде.

6-9 декабрь көннәрендә Казанда Бөтендөнья татар конгрессының бишенче корылтае узуын искәртеп, Фәрит Мөхәммәтшин: “Корылтай кызыклы үтте, бик күп мөһим мәсьәләләр каралды. Әмма эшләүнең яңа формаларын эзләргә кирәк. Биш елга бер җыелып, тапталган юл белән конгресс үткәрү делегатларда уңай тәэсирләр калдырмый. Ә делегатлар шул ук – биш ел элек килгән кебек. Бик азлары гына үзгәргән.

Шуңа күрә конгресска яңа эш алымнарын эзләргә кирәк. Минемчә, татарларның федераль милли-мәдәни мөхтәрияте белән уртак хезмәттәшлек турында җитди уйланырга кирәк. Практикада караганда, бу ике оешма татарларны аерып тора сыман. Кемдер – конгресс, кемдер татарларның федераль милли-мәдәни мөхтәрияте составында. Тиздән кем кирәгрәк, нәрсә мөһимрәк дигән сораулар туа башларга мөмкин”, — дип билгеләп үтте.

“Безгә татар конгрессының киләчәге, аның эшенең нәтиҗәлелеген арттыру турында уйланырга кирәк. Концертлар, күркәм кабул итүләр – бу яхшы, әмма җитди новацияләр кирәк”, — дип белдерде Фәрит Мөхәммәтшин.

Тимер Сәгыйтов

Порядок вывода комментариев:

Спам

2 Азат • 19:23, 2012 Дек 22

Конгресс турында , эшлэре , закиров турында берэр нэрсэ каян укып була? Бер нэрсэ эшлэмилэр бит, Президент ник калдырды аны?

Спам

1 Казан татары • 16:15, 2012 Дек 18

Фэрит Мифтаховны конгресс рэисе итеп сайлатырга иде хормэтле Фэрит Хайрулович.Ул бит халык белэн эшли, фикерлэредэ бар.