“Ремонтстройсервис” оешмасы директоры М.Насыйбуллин күрмәүчеләргә: “Сез геройлар”

“Сез - геройлар. Сәламәтлек белән проблемаларыгыз булса да, үзегездә Коръән укырга өйрәнергә көч тапкансыз. Сезгә афәриннән башка сүз юк. Бу эшне дәвам итегез”, - диде бүген Казандагы “Ярдәм” дәвалау-укыту тернәкләндерү үзәгенә күрмәүчеләр һәм начар күрүчеләр белән очрашуга килгән “Ремонтстройсервис” оешмасы директоры Миңнегәрәй Насыйбуллин.

Читайте также
2017 Окт 12

Ул, аларның зур тырышлык куеп, Изге китапны өйрәнергә алынуларына сокланып кына калмыйча, якты кояш нурларын күрүдән мәхрүм кешеләрнең күзләре сау-сәламәт кешеләргә үрнәк булып торуын да әйтте. “Коръәндә язылганча, без үлгәнче белем алырга, гел үсештә булырга тиешбез. Монда алган белемнәрне түкми-чәчми өйләрегезгә алып кайтыгыз, тормышта кулланыгыз. Үзегез белем алып, күршеләрегезне өйрәтү генә түгел, Коръән буенча яшәргә дә кирәк. Калган кешеләр дә сездән үрнәк алсын, дин тотучыларның саны артсын”, - диде Миңнегәрәй Насыйбуллин.

Бүген бөтен дөньяда Күз күрү көне билгеләп үтелә. Ул октябрьнең икенче пәнҗешәмбесенә Бөтендөнья сәламәтлек саклау оешмасы инициативасы белән куелган. Әлеге дата җәмәгатьчелекнең игътибарын күз күрмәү, күз күреме бозылу һәм күзләре күрмәгән кешеләрне тернәкләндерү мәсьәләләренә җәлеп итү максатыннан гамәлгә кертелгән.

Бөтендөнья күз күрү көнен уздыруда бу проблемалар белән бәйле төрле оешмалар катнаша. Билгеле булганча, октябрь ае дәвамында “Ярдәм” дәвалау-укыту тернәкләндерү үзәгендә күрмәүчеләр һәм начар күрүчеләр өчен курслар уза.

“Ярдәм”дә бер ай дәвамында күрмәүчеләр Изге Коръәнне Луи Брайль системасы буенча гарәп телендә укырга өйрәнәчәк. Укыту Луи Брайль системасы буенча махсус бастырылган Коръән басмаларын файдаланып оештырыла.

Ә инде Луи Брайль системасы буенча алты ноктаны җыеп бөтенләй укый белмәүчеләр бу системаны өр-яңадан үзләштерә. Башта хәрефләрне нокталардан тезеп, аннан хәрефләрне язып, үзләре язганны укырга өйрәнәләр курсларга килүчеләр. Алар бер ай дәвамында рус алфавитындагы 33 хәрефне һәм тыныш билгеләрен үзләштерә. Рус алфавитын өйрәнмичә, Изге Коръәнне Луи Брайль системасы буенча гарәп телендә укырга тотынып булмый. Бу юлы нәкъ менә дин юлына күптәннән баскан, намаз укый, сурәләрне яттан белгән һәм Коръәнне укырга өйрәнү теләге белән янган дин кардәшләребез шактый булып чыкты.

Моннан тыш фикһ, гакыйдә, сира, намаз укырга өйрәтү буенча да дәресләр булачак. Күнегүләр залында, шулай ук урында ориентлашу буенча дәресләр, бармакларның сиземләвен арттыру буенча махсус дәресләр уздыру күздә тотыла. Бармакларның сиземләве Луи Брайль системасын өйрәнгәндә бик тә кирәк. Махсус дәресләр дигәндә, курска килүчеләрнең көнкүреш һәм гамәли сәнгать дәресләрендә төрле сувенирлар ясавы күз алдында тотыла.

Дин кардәшләребез компьютерда эшләргә, гарәп телен өйрәнергә, тәҗвид кагыйдәләрен ныгытырга да ниятли. Курслар вакытында шулай ук вәгазьләр, сәламәтлек буенча лекцияләр, экскурсияләр һәм мәдәни программа да каралган.

Римма Гатина.


Ноя 03
Ноя 03
Ноя 03
Ноя 02
Ноя 02
Ноя 02
Ноя 01
Ноя 01
Ноя 01
Окт 31
Окт 31
Окт 27
Окт 26
Окт 24
Окт 18
Окт 18
Окт 18
Окт 17
Окт 17
Окт 17

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе