Мөфти Равил Гайнетдиннең динне таратуга һәм остазлыгына 30 еллык уңаеннан альбом-календарь чыкты

Һиҗри буенча яңа мөселман 1439 ел башланыр алдыннан (2017 елның 21 нче сентябре) “Мәдинә” нәшрият йорты “Россия дәүләте мөфтиләре: империядән федерациягә” дигән мөселман альбом-календарен чыгарды.

Читайте также
2017 Сен 14. Фото:dumrf.ru

Анда XVIII гасыр ахырыннан XXI гасыр башына кадәр Россия мөселман әһелләре-мөфтиләренең портретлары бирелгән. Әлеге галереянең нигезен Оренбургское магометанское духовное собрание мөфтиләре портретлары тәшкил итә. “Мәдинә” нәшрият йорты заказы буенча мөфтиләрнең сурәтләрен Казан рәссамы Рөстәм Хуҗин ясаган.

Проект җәмәгатьчелек игътибарын Россия мөфтиләре шәхесләренә юнәлдерүне максат итеп куя. Аларның эшчәнлеге турыдан-туры мөселманнарның дини тормышы, мәхәлләләрнең яшәеше, ун меңләгән имам эшчәнлеге, иксез-чиксез Россия дәүләте киңлекләрендәге йөзләгән уку йортлары белән бәйләнгән. Галерея геройлары язмышларында (Аллаһка шөкер, аларның икесе бүгенге көндә дә эшләп торалар) Россиядә берничә гасырларга сузылган ислам тарихы, аның уңышлар һәм фаҗигаләре, - дип хәбәр итә “Мәдинә” медиа-холдингы баш мөхәррире һәм альбом-календарь проекты авторы Дамир Мөхетдинов . – Кызганычка каршы, киң җәмәгатьчелек мөфтиләрнең тормыш юлы, рухи батырлыгы һәм ислам үсеше, рухиятне торгызуга керткән бәяләп бетергесез өлеше турында бик аз белә. Безнең проект бу бушлыкны тутыру һәм киң җәмәгатьчелеккә мөфтиләребез хезмәт иткән һәм хезмәт итүче идеалларны җиткерү юлында бер адым булып тора”.

Календарьның үзенчәлеге булып һиҗри буенча ел исәбен бирү һәм аны милади буенча даталарга туры китерү, мөселманнарның барлык бәйрәмнәрен һәм тарихи истәлекле көннәрне күрсәтү тора. Мөфтиләрнең портретларыннан тыш аларның һәркайсының биографиясе, диния нәзарәтләре системасы оешу тарихы китерелә.

“Мәдинә” нәшрият йорты “Россия дәүләте мөфтиләре: империядән федерациягә” дигән мөселман альбом-календарен мөфти шәйх Равил Гайнетдиннең динне таратуга һәм Мәскәү Җәмигъ мәчетендә остазлыгына 30 еллык уңаеннан чыгарды (1987–2017).

РФ мөселманнары Диния нәзарәте белән берлектә Римма Гатина.


Сен 22
Сен 22
Сен 22
Сен 21
Сен 21
Сен 21
Сен 20
Сен 20
Сен 19
Сен 19
Сен 19
Сен 19
Сен 18
Сен 18
Сен 18
Сен 15
Сен 15
Сен 14
Сен 14
Сен 13

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе