"Ярдәм"дә татар егете Илгиз белән кытай кызы Шаулин никахлашты (ФОТО)

Илгиз үзе сөйләгәнчә, ул булачак хәләл җефете белән очраклы гына танышкан. Аралаша торгач, Илгиз Шаулинның үзенең тормыш юлдашы булырга тиешлеген аңлаган. Егет берничә мәртәбә кызның туган якларына да кайтып килгән. Шаулинның әти-әниләре белән танышып, аларның никахка ризалыгын алган.

БӘЙЛЕ
2017 Окт 10. Фото:yardem.ru

Казанда “Ярдәм” мәчетендә төрле милләт вәкилләренең никахлашуын еш күзәтергә була. Узган җәйдә испан егете Хосе белән татар кызы Регина никахлашса, быел җәен татар кызы Гүзәл инглизле Мэтью белән гаилә корды.

Ә берничә көн элек “Ярдәм”дә татар егете белән кытай кызы никахлашты. Шаулин Хуан көньяк Кытайның Шень Жень шәһәреннән Казанга белем алырга килгән. Икътисадчы һөнәрен үзләштерүче кыз бала өченче курста язмышын – Илгизне чората.

Илгиз үзе сөйләгәнчә, ул булачак хәләл җефете белән очраклы гына танышкан. Аралаша торгач, Илгиз Шаулинның үзенең тормыш юлдашы булырга тиешлеген аңлаган. Егет берничә мәртәбә кызның туган якларына да кайтып килгән. Шаулинның әти-әниләре белән танышып, аларның никахка ризалыгын алган.

Кәләшнең әнисе Лин Суга кызын Россиягә кияүгә җибәрү җиңел булмаган. Әмма яшьләрнең бер-берсен яратуын күреп, Шаулинның әти-әниләре аларның гаилә коруына ризалык биргән. Шуннан соң Татарстан башкаласында Айзатулиннар гаиләсе улларының никахына әзерләнә башлаган.

“Баштарак мин моңа каршы идем, без – мөселманнар, улыбыз намаз укый, шуңа күрә дә киленемне татар кызы булыр дип күз алдына китерә идем. Әмма берникадәр вакыт үткәч, Шаулин үзенең безгә карата яхшы мөнәсәбәте һәм күндәмлеге белән күңелебезне яулап алды. Ул иман китерде, ә бу безнең өчен бик мөһим иде. Яшьләр дә, алар белән белән без дә бәхетле булырбыз дип ышанам”, - диде Илгизнең әнисе Фидария апа.

Илгизнең әтисе Илдус абый ата-аналар уллары сайлаган юлны хупларга тиеш дип саный. Һәм улларының матур гаилә корып яшәп, балаларына татар исемнәре кушар дип өметләнә.

“Ярдәм” мәчетендә бик күп интернациональ гаиләләр барлыкка килде. Кияү егетләре арасында итальяннар да, испаннар, инглизләр, төрекләр һәм гарәпләр дә бар.

Без яшьләргә сәламәтлек, бер-берсен аңлап, әти-әниләрен хөрмәтләп яшәүләрен, озак һәм бәхетле гомер теләп калабыз.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе