"Ярдәм" видеожурналының октябрь ае чыгарылышы - күңелләре яктылыкка омтылучылар турында

Октябрь аенда бөтен Россия күләмендә Ак таяк айлыгы (Месячник белой трости) башланды. Казанның "Ярдәм" дәвалау-укыту тернәкләндерү үзәгендә күрмәүчеләр һәм начар күрүчеләр өчен чираттагы бер айлык даими курслар оештырылды. Алай гына түгел,"Ярдәм" тернәкләндерү үзәге шәкерте, Коръән-хафиз, 16 яшьлек Мәдинә Миркамилова Ингушетиядә күрмәүче кызлар арасында беренче тапкыр оештырылган Коръән уку бәйгесендә беренче урын яулады. Күрмәүчеләргә кагылышлы бу һәм башка яңалыклар турында - "Ярдәм" милли ислам хәйрия фондының октябрь аендагы татар телендә чыккан видеожурналында.

Читайте также
2017 Окт 31

Бу санда без сезне "Ярдәм" милли ислам хәйрия фондының бөтен Россия, БДБ илләре мөселманнары тормышында нинди мөһим урын алып торуы белән таныштырырбыз.

Ингушетиядә беренче тапкыр күрмәүче хатын-кызлар арасында “Йөрәкләрне яктыртучы” дип аталган Изге Коръән бәйгесе әлеге фонд каршында эшләүче күрмәүчеләр һәм начар күрүчеләр өчен "Ярдәм" тернәкләндерү үзәгенең җимешләрен күрергә мөмкинлек бирде. Билгеле булганча, “Ярдәм” тернәкләндерү үзәге - Коръәнне Брайль системасы буенча өйрәтүдә бөтен Бәйсез дәүләтләр бердәмлегендә бердәнбер. Ингушетиядә күрмәүче мөслимәләр арасында узган бу бәйгедә дә кайчандыр “Ярдәм”дә Изге китап серләренә төшенгән дин кардәшләребез бар иде. Чечнядан Мәдинә Кадыйрова белән Дагыстаннан Әминә Кункуева “Ярдәм” дә белем алган вакытларны әле дә сагынып искә төшерә. Изге Коръән бәйгесендә “Ярдәм” тернәкләндерү үзәгенең күрмәүчеләрне Коръәнгә өйрәтүдәге эшчәнлеге югары дәрәҗәдә билгеләп үтелүе урынлы булды."Йөрәкләрне яктыртучы" бәйгесе чын мәгънәсендә "Ярдәм" рухы белән сугарылган иде.

Ингушетиядә күрмәүчеләрне Луи Брайль системасы буенча Коръән укырга өйрәтә торган берничә оешма эшли. Алар икесе дә күрмәүче мөселманнар белән эшләүче “Ярдәм” дәвалау-укыту тернәкләндерү үзәге тәҗрибәсен истә тотып төзелгән. Күрмәүче гражданнар өчен “Интеграция” белем бирү үзәге һәм күрмәүчеләр өчен “Әр-рахим” мәдрәсәсе җитәкчеләре үз вакытында “Ярдәм”дә белем өстәгән. Алар хәзер башкара торган эшләр белән безнең видеожурналда танышырга мөмкин.

Ярдәм”дәге курслар күрмәүчеләр күңелендә өмет, үз-үзләренә ышаныч тудыра, тормыш мәгънәсен табарга ярдәм итә торган ниндидер бер могҗизаи күренеш ул. Бүген без “Ярдәм”дәге курслар тормышында зур роль уйнаган кешеләр турында сөйләшербез.

Менә моннан тугыз ел элек әле Сөләйман мәчетендә уза торган тернәкләндерү курсларына шәкерт булып килгән Давыт остаз бүген үзе Ярдәмдәге курсларда белем бирә, Коръән серләренә төшендерә.

Икенче тарихыбыз - “Ярдәм”дә тормыш юлдашларын тапкан кешеләр турында. Хәзерге вакытта Башкортостанның Сибай шәһәрендә гомер итүче күрмәүче ирле-хатынлы Айдар абый белән Римма апа да бер-берсен “Ярдәм”дәге курсларда тапкан. Инде ел ярымнан артык алар, бер-берсенә иптәш булып, бер-берсен хөрмәт итеп яшиләр. Ә барысы да Айдар абый күргән төштән башланган. Аның бер дәфтәр тутырып, Брайль шрифты белән хат язып, Римма апага тәкъдим ясавы, тавышын ишетеп, гашыйк булуы турында - безнең видеожурналда.


Ноя 03
Ноя 03
Ноя 03
Ноя 02
Ноя 02
Ноя 02
Ноя 01
Ноя 01
Ноя 01
Окт 31
Окт 31
Окт 27
Окт 26
Окт 24
Окт 18
Окт 18
Окт 18
Окт 17
Окт 17
Окт 17

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе