"Ярдәм" мөселман пансионаты яңа уку елында эшли башлар дип көтелә

Бүген Балтач районы Бөрбаш мәктәбендә "Телләр белгән - илләр гизгән", "Иманлы гаилә - әхлак бишеге" темасына ачык әхлак дәресләре узды. Анда катнашучылар – дин әһелләре һәм мәгариф хезмәткәрләре Татарстанның Баш казые Җәлил хәзрәт Фазлыев җитәкчелегендә «Ярдәм» мөселман пансионаты белән таныштылар. Пансионат яңа уку елыннан эшли башлар дип көтелә.

Читайте также
2018 Апр 19

Пансионат Татарстанның Балтач районы Бөрбаш авылында урнашкан. “Ярдәм” исемендәге пансионат балаларга рухи тәрбия бирү, булачак ислам дине өлкәсендә эшли торган кадрларны үстерү максатын күздә тота.

Пансионатта Татарстандагы күпбалалы һәм азкеремле гаиләләрдәге V-XI сыйныф укучыларга белем һәм тәрбия бирү каралган. Мәктәп яшендәге 30 ир бала пансионатта яшәячәк һәм тәрбияләнәчәк. Якындагы мәктәптә урта белем алачак.

Алар көндезен яңа, заманча шартларга туры килә торган дөньяви мәктәптә белем алачак, ә кичләрен һәм ял көннәрендә рухи-әхлакый тәрбия буенча факультатив дәресләргә йөриячәк. Балалар бөтен кирәк-ярак белән тәэмин ителәчәк. Урта белем предметларын үзләштерүдә авырлыклар булса, репетиторлар җәлеп итү көтелә. Өстәмә дәресләр әзерлекле (квалификациягә ия булган) педагоглар тарафыннан уздырыла.

Пансионатта инглиз, төрек һәм гарәп телләре тирәнтен өйрәтеләчәк. Ислам дине нигезләренә төшендереләчәк. Шулай ук спорт чараларына, татарча көрәшкә һәм хоккейга зур игътибар бирелә.

Кием-салым, канцелярия товарлары, пансионатта яшәү һәм туклану – барысы да түләүсез. “Ярдәм” исемендәге пансионат заманча җиһазлар белән җиһазландырылган, методик әсбаплар белән тәэмин ителгән.

Укучыларга Балтач районы Җәмигъ мәчете карамагындагы мәдрәсә мөгаллимнәре һәм тәрбиячеләре белем һәм тәрбия бирәчәк. Пансионатта белем һәм тәрбия алып чыгучылар алга таба укуларын Россия ислам университеты һәм Болгар Ислам академиясендә дәвам итәчәк дип көтелә.

Римма Гатина.


Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26
Дек 25
Дек 13
Дек 08
Дек 04
Ноя 30
Ноя 30

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе