Ислам мәгарифен һәм исламиятне үстерү ресурс үзәгендә "Татар илаһият фикере" дигән белем күтәрү курслары башлана

Курслар КФУның Халыкара мөнәсәбәтләр, тарих һәм көнчыгышны өйрәнү институты базасындагы Ислам мәгарифен һәм исламиятне үстерү ресурс үзәгендә имамнар, имам ярдәмчеләре, мәдрәсә һәм мәдрәсә каршындагы укытучылары, РИИ, КФУ студентлары, яшь галимнәр, аспирантлар һәм теләге булган һәркем өчен 21 сентябрьдән үз эшен башлый. Укулар кичке якта - сәгать алтыдан тугызга кадәр оештырыла.

Читайте также
2017 Сен 19. Фото:facebook.com/rezeda.saf/posts/

Әлеге курсларның лекцияләре ресурс үзәгенең ютуб-каналында урнаштырылачак. Курслар тәмамлангач, билгеле бер тәртиптәге таныклык биреләчәк. Курсларда катнашу өчен, алдан язылу кирәк дип хәбәр итә ресурс үзәгенең өлкән фәнни хезмәткәре Резидә Сафиуллина.

Курсларда Болгар академиясе ректоры Рәфыйк Мөхәммәтшин, профессор А.Юзеев, тарих фәннәре докторы Айдар Хабетдинов, ресурс үзәгенең өлкән фәнни хезмәткәре Резидә Сафиуллина, РИИның теология факультеты ректоры Р.Шәңгәрәев, КФУның Халыкара мөнәсәбәтләр, тарих һәм көнчыгышны өйрәнү институтының көнчыгышны өйрәнү, африканистика һәм ислам белеме кафедрасы доценты, филология фәннәре кандидаты Азат Ахунов, ТР Фәннәр академиясенең Тарих институты ислам гыйлеме һәм җәмәгатьчелек фикере бүлеге җитәкчесе Дамир Шаһавиев, КИУның дини дисциплиналар кафедрасы җитәкчесе, Болгар академиясе мөгаллиме Р.Әдһәмов, ТР Фәннәр академиясенең Тарих институты баш фәнни хезмәткәре А.Хәйретдинов, Ислам көллияте проректоры И.Зарипов (Мәскәү ш.) белем бирәчәк.

Курсларда татар илаһият мәктәбе үсешенә булышлык иткән факторлар, илаһият белеме формалашу чыганаклары һәм алшартлары, татар илаһият фикере үсеше тарихын чорларга бүлү, илаһият фикере формалашуның урта гасыр чоры, татар халкы рухи мирасын бәйсезлекне югалткан чорда - XVI гасырның икенче яртысында һәм XVIII гасырның беренче яртысында саклау һәм үстерү хакында сөйләячәкләр. Шулай ук XVIII гасырның икенче яртысында һәм XX гасыр башында, совет чорында татар илаһият фикере хакында да кызыклы мәгълүмат бирү көтелә. Татар илаһият фикере вәкилләре (XVIII - XX гасыр башы), татар илаһият мирасының төп мәсьәләләре һ.б. хакында курсларда кызыклы лекцияләр көтелә.


Окт 18
Окт 18
Окт 18
Окт 17
Окт 17
Окт 17
Окт 16
Окт 16
Окт 13
Окт 13
Окт 12
Окт 12
Окт 11
Окт 11
Окт 10
Окт 10
Окт 10
Окт 10
Окт 10
Окт 10

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе