Без исламны, мирасыбызга таянып, Аллаһ тарафыннан ничек иңдерелгән, шулай өйрәтергә тиеш - Татарстан мөфтие

Бүген ТР мөселманнары Диния нәзарәтенең "Мөхәммәдия" Казан югары мөселман мәдрәсәсендә педагогик совет утырышы булды. Татарстан мөфтие, мәдрәсә директоры Камил хәзрәт Сәмигуллин җитәкчелегендә узган җыелышта мөгаллимнәр һәм экспертлар уку йортында гарәп телен укытуны көчәйтү һәм кирәкле уку әсбаплары белән тәэмин итү хакында сөйләште. Җыелыш барышында "Мөхәммәдия"дә республика мәдрәсәләрендә беренчеләрдән булып яңа уку алымнары кертеләчәге хакында әйтелде.

Читайте также
2017 Авг 09. Фото:dumrt.ru

- Татарларда гарәп телендә язылган, ислам дөньясында киң горизонтлар ача торган бик бай дини мирас бар. Гарәп теле теге яки бу мәдәниятне халыкара мөселман җәмәгатьчелеге белән берләштерүче мөһим факторларның берсе. Инкыйлабка кадәр "Мөхәммәдия" шәкертләре фәнни эшләрне гарәп телендә язган. Безгә әлеге традицияләрне торгызырга кирәк. Без исламны, мирасыбызга таянып, Аллаһ тарафыннан ничек иңдерелгән, шулай өйрәтергә тиеш, - диде мөфти.

Мөфти хәзрәтләре сүзләренчә, әлеге максатны тормышка ашырганда, мәдрәсәнең уку-укыту программасына үзгәрешләр кертү таләп ителәчәк. Үзгәрешләр төп уку әдәбияты һәм уку планнарында дисциплиналар бүленешенә кагылышлы. "Бу мәсьәләдә "Мөхәммәдия"нең башлангыч чорларына игътибар юнәлтергә һәм ХХ гасыр башында күренекле галимнәр һәм дин галимнәребез тарафыннан эшләнгән уку-укыту программасын нигез итеп алырга тәкъдим итәм. Максатыбыз - хәзер дә актуальлеген югалтмаган һәм ислам турында белем алуда кулай классик хезмәтләргә кире кайту", - диде Камил хәзрәт Сәмигуллин.

Мөгаллимнәр Камил хәзрәтнең фикерләрен хупладылар. Совет әгъзалары барлык предметлар буенча уку сәгатьләрен бүлү, төп һәм факультатив уку әсбапларына кагылышлы теләк-тәкъдимнәрен җиткерде. Боларның барысы да хезмәт базарының ислам өлкәсендәге теге яки бу белгечләргә карата булган ихтыяҗны исәпкә алып эшләнде.

Педагогик совет тарафыннан "Мөхәммәдия" мәдрәсәсенең уку-укыту программасына үзгәрешләрне этаплап кертү буенча тәкъдимнәр эшләү турында гомуми карар кабул ителде.

Татарстан мөселманнары Диния нәзарәте матбугат хезмәте белән берлектә Римма Гатина.


Авг 16
Авг 16
Авг 16
Авг 15
Авг 14
Авг 12
Авг 11
Авг 11
Авг 10
Авг 10
Авг 10
Авг 09
Авг 09
Авг 08
Авг 08
Авг 08
Авг 08
Авг 07
Авг 07
Авг 04

40 тартма
Дин

Комментарийны калдырыгыз
avatar
Мәкаләләр
Вакыйга

Май 10

Фев 09

Янв 11

Янв 06

Дек 19

Дек 14
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга "Ислам info" "Медиа торкеме" ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту "Ариф" студиясе