Дәресләрдә күп мөселманнарны борчыган көнүзәк темалар карала. Аерым алганда, дөньяви дәүләт шартларында финанс операцияләрен, сәүдәне, финанс-хокук мөнәсәбәтләрен шәригать кушканча кору мәсьәләләре ачыклык кертүне таләп итә.
Бүген дәресләр кичке сәгать алтыдан тугызга кадәр Казан шәһәре, Пушкин урамы, 1/55 йорт адресы буенча Халыкара мөнәсәбәтләре, тарих һәм көнчыгышны өйрәнү институтының 207 нче аудиториясендә “Islamica” лекториясендә үткәреләчәк. Дәресләрне рус телендә кичке сәгать алтыдан тугызга кадәр Россия ислам иниституты мөгаллиме, Иордания дәүләт университетын һәм Илкүләм мәгълүмати технологияләр университетын (Санкт-Петербург) тәмамлаган Мөхәммәд хәзрәт Моратов алып бара.
Бүген дәрестә исламда кулланучылар кредитлары, ислам банкингы (ипотека һәм кредит карталары) белән бәйле мәсьәләләр каралачак.
Римма Гатина.