Тукай бүләге Кол Шәриф мәчете архитекторларына бирелә

Тукай бүләге лауреатлары билгеле булды. Премия Кол Шәриф мәчетен иҗат итүче төркемгә - И.Ф.Сәйфуллин, С.П.Шәкүров, А.В.Головин, З.М.Садыйков, А.Г.Саттаров, А.К.Даишева, З.Ш.Галиуллин, Р.М.Зәбировка тапшырылачак. Бу турыда Татарстанның премьер-министр урынбасары Зилә Вәлиева белдерде.

Калган 13 кандидатка Тукай бүләге быел бирелми. Алар арасында язучылар Нәбирә Гыйматдинова, Камил Кәримов, җырчы Айдар Фәйзрахманов һәм башкалар бар. Зилә Вәлиева сүзләренчә, иң мөһиме – Тукай премиясенең абруен күтәрү: конкурс шартлары буенча, премиягә җәмгыятьтә танылу яулаган, ватан һәм милли мәдәният үсешенә әһәмиятле өлеш керткән әдәбият һәм сәнгать әсәрләре, шулай ук сәнгать белеме һәм әдәбият белеме өлкәсендә күренекле фәнни тикшеренүләр халкыбызның бөек улы Габдулла Тукай исемендәге Дәүләт премиясен алу ярышында катнаша ала. Әмма соңгы елларда Тукай бүләген чират буенча бирү гадәте башланды.

Татарстаның мәдәният министры Айрат Сибагатуллин Кол Шәриф мәчете безнең тормышыбыз йолдызы ул бүген, моның белән килешмичә булмый, дип саный.

Шулай итеп соңгы 8 ел эчендә Тукай бүләге бер генә кандидатка бирелә һәм бер шагыйрь яки язучыга да тапшырылмый. Александр Долгов