
2013 Фев 05
Бөтенроссия күләмендә оештырылган «Мөхәммәд Пәйгамбәр — ике дөнья рәхмәте» VII шигъри бәйгесендә Татарстан вәкиле җиңү яулады. "Татар телендәге иң яхшы шигырь” номинациясендә "Хәдисләр – нур, гыйбрәттер” шигыре белән Рафаил Субаев танылды. Икенче-өченче урыннарны Мәскәү, Липецк шәһәрләре иҗатчылары яулады.
"Тамашачылар мәхәббәте бүләге”нә сайтта тавыш бирү нәтиҗәләре буенча "Пәйгамбәр” шигыре белән Сурхо Сельмурзоев лаек булды.
Россия Мөфтиләре Шурасы матбугат хезмәте хәбәр иткәнчә, җиңүчеләрне 13 февральдә Россия Мөфтиләре Шурасы резиденциясенең конференция залында бүләкләячәкләр.
Чыганак: "Татар-информ"