Татарстан халыкның хәйрия активлыгы буенча Россия төбәкләре унлыгына кергән

Татарстан Республикасы Россия төбәкләренең хәйрия рейтингына кергән, шулай итеп, республика 8 нче урынны били. Россия ярдәм фонды заказы буенча үткәрелгән социология тикшеренүләре нәтиҗәләре шундый.

Ел дәвамында 56,7 процент татарстанлы бер генә тапкыр булса да, хәйриячелеккә акча күчергән.

Хәйриячеләр саны буенча Дагыстан Республикасы (62,3 процент) лидерлык итә, икенче урында – Сарытау өлкәсе (60,8), өченче – Башкортстан Республикасы (59,4).
Татарстан акчалата ярдәм итүдә катнашу буенча төбәкләр рейтингында 7 нче урынны били.

Республиканың эре шәһәрләрендә яшәүчеләрнең 53,4 проценты елга бер тапкыр булса да акчалата ярдәм күрсәткән. Әмма Татарстан волонтерлар хәрәкәтенә җәлеп итү буенча лидерлар унлыгына кермәгән, ә менә республика таныш булмаган кешеләргә ярдәм итү буенча 9 нчы урында дип хәбәр итте "Татар-информ".