Җәлил хәзрәт бездә һәрчак көтеп алынган кунак

Бүген, ягъни 15 октябрьдә Казандагы “Сөләйман” мәчетендә бер ай буена дин сабагы алган күзләре күрмәүче мөслимәләр...

БӘЙЛЕ
2012 Окт 15
Бүген, ягъни 15 октябрьдә Казандагы "Сөләйман” мәчетендә бер ай буена дин сабагы алган күзләре күрмәүче мөслимәләр өйләренә кайтып китте. Алар үзләренә Брайль системасы буенча Коръән укырга өйрәткәннәре өчен мәчетнең имам-хатибы Илдар хәзрәт Баязитовка, уку-укыту бүлеге мөдире Мәликә ханым Гыйльметдинова һәм башкаларга олуг рәхмәтләрен белдерделәр.
Дин сабагы алудан тыш, гүзәл затларга Казанның истәлекле урыннары, шул исәптән, Камал һәм Кәрим Тинчурин исемендәге театрларда спектакльләр дә күрсәтелде.
Татарстанның Баш казые Җәлил хәзрәт Фазлыевның күзләре күрмәүчеләр алдында чыгыш ясавы аларның күңелендә аерым урын алгандыр.
Җәлил хәзрәт үзенең вәгазендә әхлакый һәм рухи чистарыну мәсьәләләренә тукталды, татар халкының традицион кыйммәтләре хакында сөйләде.
Җәлил хәзрәтнең чыгышында тормыштан алынган кыйссалар да байтак иде. Элекке заманда бер бай кеше дин галиме янына килгән дә: "Малым көн саен арта. Кыямәт көнендә Аллаһы Тәгалә алдында җавап бирәсе булыр дип куркам”,-дигән. Ә теге галим аңа: "Әгәр байлыгыңның артуын теләмәсәң -зарлан”,-дигән. "Нәрсәгә дип зарланыйм? Мин барысыннан да канәгать»,-дигән теге бай кеше. "Ул чагында байлыгың кимеми инде”,-дигән галим. "Без зарланырга яратабыз, барына канәгатьләнә белмибез. Элекке мөфтине сүккән кешеләр хәзерге мөфтине дә сүгә. Ә бит Хак Тәгалә: "Үзегез нинди, җитәкчеләрегез шундый”,-дигән. Ә менә "Сөләйман” мәчете әһелләре элекке мөфти вакытында да яхшы эшләде, хәзергесе вакытында да матур гамәл кылуларын дәвам итә. Димәк, безгә зарлану белән шөгыльләнмичә, булганына шөкер кылып, эшебезне дәвам итәргә кирәк”,-диде Җәлил хәзрәт.
Җәлил хәзрәт бу көнне әле күзләре күрмәүчеләргә күп нәрсәләр хакында сөйләде. Ул аларны "Сөләйман”да алган белемнәрен башка кешеләргә таратырга чакырды.
Мәчет әһелләре Баш казыйга олуг рәхмәтләрен әйттеләр, аның биредә көтеп алынган кунак булуын белдерделәр. Мәчетнең имамы Илдар хәзрәт Баязитов Баш казыйга һәм бу көнне бирегә килгән РИУның Шәригать факультеты деканы Рамазан хәзрәт Курамшинга үзләре бастырып чыгарган "Зрячим о незрячих” китабын күрсәтте. Бу файдалы очрашу аннары табын янында дәвам итте.
Хатыйп ГӘРӘЙ

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе