“Рубин”ның баш тренеры “Штурм”ны җиңүне ике арадагы уңыш дип атады

Казанның “Рубин” командасы баш тренеры Ринат Биләлетдинов Европа Лигасы кысаларында, читтә Австриянең “Штурм” футболчыларын 3:2 исәбенә җиңүне шәрехләде.

“Без бу җиңүне ике арадагы уңыш, дип саныйбыз. “Штурм”ны ихтирам итәбез һәм үзебезне фаворит, дип исәпләмибез. Бу – көчле команда. Без сан ягыннан өстен булуыбызны үзебез теләгәнчә файдалана алмадык”,-дигән Ринат Биләлетдинов Австриянең Kurier агентлыгына.

“Мин ни өчен тәнәфестә ике уенчыны алыштырдым? Минем моңа ике сәбәбем бар иде. Сары карточкалар алган уенчыларны куркыныч астына куярга теләмәдем. Аннары дүшәмбедә безне “Спартак”ка каршы мөһим очрашу көтә. Без Австриядә ике көн булганнан соң, Мәскәүгә китәбез”,-дип билгеләп узган казанлылар тренеры.