Раил Садриев: "Тукайдан бренд ясадылар, кирәк вакытта китерәләр дә чыгаралар"

18 апрельдә Татарстанның Буа районында Габдулла Тукайны искә алу чарасы үтте.

Читайте также
2016 Апр 20

18 апрельдә Татарстанның Буа районында Габдулла Тукайны искә алу чарасы үтте. Шагыйрь юбилее белән бәйле традицион чаралар башкаладан районнарга да күчә.

Әлеге чара район үзәгендә яңа төзелеп килүче паркта оештырылган иде. “Киләчәктә яңа паркта, финанс хәлләр яхшырса, бәлки Тукай почмагын ясарбыз. Акча булгач, Тукай бюстын куярбыз”, дип ышандырды чараны ачарга килгән Буа районы башлыгы Азат Айзетуллов. Әлеге паркта киләчәктә шагыйрь-язучыларга багышланган даими мәдәни кичәләр үткәрергә ниятлиләр. Буа җирлегендә дә бөек шәхесне искә алу чаралары балалар бакчасы, мәктәпләрдән башланган.

Тукай митингына халык шактый җыелган. Араларында балалар да, аларның әти-әниләре, олы яшьтәге әби-бабайлар да күренде. Чарада катнашкан Буа сатира театры җитәкчесе Раил Садриев Тукайны көне килеп җиткәч кенә искә төшерәләр дип саный. “Тукайдан бренд ясадылар, кирәк вакытта китереп чыгаралар. Ә Тукай белән яшәргә кирәк. Тукай ул көн саен булырга тиеш”, дип саный Раил Садриев. Аның фикеренчә, Буа кешеләреннән сорасаң, Тукай урамының кайда икәнен дә белмиләр. Ә аның урамы иң үзәк урамнарның берсе булырга тиеш, ди театр җитәкчесе.

Чарага Казаннан бер төркем язучы-шагыйрьләр, татарча газет-журнал вәкилләре дә кайтты. Араларында Рифат Сәлах кебек яңа буын каләмчеләре дә бар иде. “Тукай урынын, вакытын белеп, чын иҗатчы, чын мөселман кешесе буларак та балаларга дөрес итеп тәрбия биргән. Икенчедән, Аллаһ тәгалә сүзен дә урынсыз кыстырмаган. Шул ягы белән дә ул башкалардан аерылып тора”, ди яшь шагыйрь.

Раил Садриев шулай ук Тукайны "шигъри пәйгамбәр" дип атады. “Тик Илдус Гыйләҗев әйткәнчә, аңа бәясен генә әз биргәннәр”, дип тә өстәде ул.

Чыганак: "Азатлык.орг"


Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга «Ислам info» «Медиа торкеме» ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту «Ариф» студиясе