Рөстәм Миңнеханов “Үлемсез полк” акциясе башында кем портретын тотып барачагы турында сөйләде

Кичә ил буйлап, шул исәптән Татарстан башкаласы Казанда, “Үлемсез полк” акциясе уздырылды.

БӘЙЛЕ
2016 Май 10

Кичә ил буйлап, шул исәптән Татарстан башкаласы Казанда, “Үлемсез полк” акциясе уздырылды. Әлеге акциянең әһәмиятенә Татарстан Республикасы Президенты “ТНВ” каналына биргән әңгәмәдә игътибар юнәлтә.

Бүген республика Президенты “Үлемсез полк” акциясе кысаларындагы йөрешнең башында торачак. “Үлемсез полк” акциясе быел беренче тапкыр гаять зур күләмле итеп оештырыла. Анда катнашу өчен Казанда гына да 20 мең кеше теләк белдергән. Татарстан буенча акция барлыгы 60 меңләп кешене колачлар дип фаразлана.

“Татар-информ” МА алдан хәбәр иткәнчә, Җиңү көнендә “Үлемсез полк” акциясендә катнашучылар “Казан” милли мәдәният үзәге каршындагы мәйданнан бүген сәгать 3тә кузгала, Пушкин, “Черек күл” паркы, Кремль урамы буйлап үтеп, 1 Май мәйданына җитеп туктый. Казан кремле каршында мәһабәт һәйкәл - Советлар Союзы Герое, татарның бөек улы һәм ватанпәрвәр шагыйре Муса Җәлил һәм җәлилчеләр һәйкәле янында тантаналы чара була.

“Бу көнне беркемне онытырга ярамый. Сугышчан постында, сугыш кырларында, хезмәт урынында Җиңү койган кешеләргә хөрмәт күрсәтү бу. Без аларның барысына да олы рәхмәт әйтәбез, алар алдында баш иябез. Җиңү көне хөрмәтенә үткәрелә торган бөтен чаралар да – безнең Җиңү китергән фронтовикларыбыз, хезмәт ветераннары хөрмәтенә”, - дип басым ясап әйтә Рөстәм Миңнеханов.

Аның сүзләренчә, “Үлемсез полк” акциясе кысаларында үзе ул абзасы истәлеген яңартырга тели. “Әтиемнең олы абыйсы 1941 ел ахырында Мәскәү янында һәлак булган. Һәм акциядә катнашу – ул туган абыема хөрмәт күрсәтү”, - диде Татарстан Президенты.

“Үлемсез полк” – ул хәтер саклауның уңышлы формасы, дип саный Рөстәм Миңнеханов.
Чыганак: "Татар-информ"


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе