Минскида Төркия булышлыгы белән төзелгән мәчет эшли башлады

11 ноябрьдә Беларусь Республикасының Минск шәһәрендә Җәмигъ мәчете ачылды. Мәчет ачу тантанасында күп сандагы рәсми һәм дини кунаклар, шулай ук Татарстан мөфтиенең беренче урынбасары Рөстәм хәзрәт Батров катнашты. Рөстәм хәзрәт тантаналы чарага кадәр төрле төбәкләрдән килгән дин әһелләре, милләттәшләребез белән аралашты.

Читайте также
2016 Ноя 11. Фото:tut.by

Әлеге тантаналы чарада катнашкан Белорусия Президенты Александр Лукашенко мөселманнарның Белорусиядә ундүртенче гасырдан бирле яшәүләрен һәм җирлек үсешенә, мәдәниятенә, илне дошманнардан саклауга зур өлеш кертүен билгеләп узды. “Моны борынгы китаплар да раслый. Белорус мөселманнары гарәп графикасында, әмма белорус телендә язганнар. Минскидагы - мәчет динара татулык билгесе һәм ислам динендәге ватандашларыбыз, кунаклар өчен гыйбадәт кылу урыны”, - диде ул.

Әлеге тантаналы чарада Төркия Президенты Рәҗәп Эрдоган да катнашты.

Минск шәһәрендә яңа иман йорты 1962 елда җимерелгән мәчет макеты үрнәгендә төзелгән. Биредә берьюлы 1,5 мең мөселман намаз укый алачак. Минскидагы бердәнбер мәчет Көнчыгыш Европадагы иң зур мәчет булып тора.

Тарихка күз салсак, Минскида беренче таш мәчетне татарлар тарафыннан 19 гасыр ахырында төзелгән. Әмма совет хакимияте урнашкач, ул эшләүдән туктый. Бары тик сугыш елларында гына вакытлыча ачыла. 1962 елда исә тулысынча җимерелеп бетә.

Яңа мәчет 2014 елда салына башлаган. Әмма матди кыенлыклар булу сәбәпле, төзелеш берничә елга туктатыла. 2013 елда кабат башлана. 2016 елда Төркия булышлыгында төзелеп бетә, дип хәбәр итә Татарстан мөфтияте матбугат хезмәте.


Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин

Комментарийны калдырыгыз
avatar
Мәкаләләр
Вакыйга

Май 07

Май 10

Фев 09

Янв 11

Янв 06

Дек 19
Әңгәмәләр
© 2009-2016 "Татар Ислам" мэгълумат агентлыгы
Сайтка куелган язмаларга «Ислам info» «Медиа торкеме» ЖЧШ барлык хокукларга ия санала. Материалларны кулланганда гиперсылтама ясау мэжбури. Масса кулэм магълумат чараларында (Роскомнадзор) теркэлу турындагы таныклыгы: ИА № ФС-77-45782 13. 07 2011 ел. Урнаштырылган материал 18+. т.(843) 258-15-19
Сайтлар ясау хэм сайт белэн идарэ иту «Ариф» студиясе