Хөрмәтле шәех Казанга Россия ислам университеты җитәкчелеге чакыруы буенча килгән. Биредә ул гарәп грамматикасы, ислам хокукы, ислам хокукы нигезләре, гакыйдә (ислам мәсләге), хәдисләр, ислам хокукының нигез булып торучы принциплары һәм максатлары, хәдис гыйлеменә кереш предметлары буенча лекцияләр укый.
20 декабрьдә Габдрәхим Лакрим ТР мөселманнары Диния нәзарәтендә булды, хезмәткәрләр белән аралашты, Казаннан алган тәэсирләре белән уртаклашты.
Шәех Габдрәхим сүзләренә караганда, Казан аңа мәчетләрнең күп булуы һәм дини мәктәп булуы белән бик тә ошаган. "Биредә ислам рухы, Коръән рухы сизелә. Мөселманнар үзләрен чит итеп хис итмиләр, үзара кардәшлек бар. Мондый тойгыны башка илләрдә тойганым булмады”, - диде дин белгече.
Габдрәхим Лакрим лекцияләренең расписаниесын "Татарстандагы ислам мәгарифе” сайтыннан табып була: http://magarifrt.ru/ru/875#more-875. Бу хакта Татарстан мөфтиятенең матбугат хезмәте хәбәр итә.
Чыганак: "Татар-информ"