Тик анда мөселманнар өчен аерым тапшырулар булмаячак. Бу хакта Россия Мөфтиләре Шурасы рәисе Равил Гайнетдингә Олег Табаков хәбәр иткән.
"Лента.ру” агентыгы мәгълүматларына караганда, Олег Табаков: «Мөхтәрәм Мөфтиләр Шурасы әгъзалары. Сабыр итегез. Бу әле без хәл итәргә тиешле төп мәсьәлә түгел”,-дип җавап биргән.
12 мартта Равил Гайнетдин "ОТР”ның гендиректоры Анатолий Лысенкога хат юллап, исламга багышланган тапшыруларны 15 % итү турында мөрәҗәгать белән чыккан иде. Үзенең гозерен Равил хәзрәт мөселманнар Россиядә яшәүче халыкның 15%ын тәшкил итүләре белән дәлилләгән. Әмма яңа телевидение җитәкчелеге аңа ризалыгын бирмәгән.
Язманы Хатыйп ГӘРӘЙ әзерләде