Өлкәнең ФИХИ матбугат хезмәте хәбәр итүенчә, тоткарланучы кешеләрнең берсе быелның апрель аенда Покачи мәчетеннән дини әдәбиятны урлавы һәм гыйбадәтханә ишегалдындагы хуҗалык биналарын яндыруы ачыкланган.
"Ул җинаять кылуын таныды, шулай ук әйбер урлавын һәм янгын чыгаруын мәчет имамына үч итеп кылуын белдерде”, диелә әлеге хәбәрдә.
Тоткарланучыдан законсыз рәвештә сакланучы "Гроза-031” маркалы пистолет алынган.
ХМАОның Покачи шәһәре мәчете гаражында янгын 10 апрельдә чыккан иде. Анда мәчетнең имамы Рөстәм хәзрәт Рәхмәтуллинның машинасы янды.
Р. Рәхмәтуллинның сүзләренчә, аңа ваһһабчылары берничә тапкыр янаганнар. Ә янгын булыр алдыннан Дагыстан мөфтияте тарафыннан нәшер ителгән китапларны мәчеттән алып киткәннәр.